“அய்யோ இதுக்குமேல என்னால முடியல..” 102 வயது தாயைக் கொன்ற 71 வயது மகள்.. நீதிமன்றம் கொடுத்த ‘அதிர்ச்சி’ தீர்ப்பு.. பின்னணியில் இருக்கும் கண்ணீர் கதை..!!

ஜப்பானில் மறதிநோயால் பாதிக்கப்பட்ட 102 வயது தாயை 12 ஆண்டுகளாகத் தனியாகக் கவனித்து வந்த 71 வயது மகள், கடுமையான மன உளைச்சல் காரணமாக அவரை கொலை செய்தார். இதனால் நீதிமன்றம் அவருக்கு அசாத்தியமான இடைக்காலத் தண்டனை வழங்கியுள்ளது. அந்த முதிய தாய் இரவில் ஒவ்வொரு 10 நிமிடங்களுக்கும் ஒருமுறை கழிவறைக்குச் செல்ல மகளை எழுப்பியதால், போதிய உறக்கமின்றி அந்த மகள் கடுமையான நாள்பட்ட முதுகுவலியால் அவதிப்பட்டு வந்துள்ளார். ஒரு நாள் தாய் படுக்கையிலிருந்து கீழே விழுந்தபோது, முதுகுவலி காரணமாக மகளால் அவரைத் தூக்க முடியாமல் போயுள்ளது.

உடனடியாக அவர் 119 என்ற அவசர உதவி எண்ணை அழைத்தபோது, அதிகாரிகள் “இந்த ஒரு முறை மட்டும்தான் ஆம்புலன்ஸ் வரும், அடுத்த முறை எங்களை அழைக்க வேண்டாம்” என்று அலட்சியமாகக் கூறியுள்ளனர். அரசாங்க அமைப்புகளால் தான் முற்றிலுமாக கைவிடப்பட்டதாக உணர்ந்த அந்த மகள், கடுமையான விரக்தியின் எல்லையில் தனது தாயைக் கொலை செய்துள்ளார். வழக்கின் இந்த அதீத துயரப் பின்னணியையும், அவர் அனுபவித்த மன அழுத்தத்தையும் பரிசீலித்த டோக்கியோ நீதிமன்றம், சட்டம் கொலைக் குற்றத்திற்குச் சிறைத்தண்டனை விதித்தாலும், அவரது சூழ்நிலையைப் புரிந்துகொண்டு 3 ஆண்டு சிறைத்தண்டனையை 5 ஆண்டுகளுக்கு நிறுத்தி வைத்து மனிதாபிமான அடிப்படையில் தீர்ப்பளித்துள்ளது.