“காதைப் பிடிச்சு மன்னிப்பு கேள்..! ஆன்மீக யாத்திரையில் புனீத் சூப்பர்ஸ்டாரைச் சூழ்ந்த கன்வாரியாக்கள்… உண்மையா..? நடிப்பா..? பின்னணி என்ன..?!”

சமூக வலைதளப் பிரபலமான புனீத் சூப்பர்ஸ்டார், தனது முதல் கன்வர் யாத்திரையின் போது கன்வர் யாத்திரீகர்களால் எதிர்கொள்ளப்பட்டு மன்னிப்பு கேட்குமாறு வற்புறுத்தப்பட்டதாகக் கூறப்படும் வீடியோ ஒன்று இணையத்தில் வைரலாகி வருகிறது. வைரலாகும் அந்த வீடியோவில், புனீத்தைச் சுற்றி பல கன்வர் யாத்திரீகர்கள் நிற்பதைக் காண முடிகிறது. கேமராவிற்கு பின்னால் இருந்து பேசும் ஒருவர், புனீத்திடம் காதைப் பிடித்துக்கொண்டு தனது தவறை ஒப்புக்கொள்ளுமாறு கூறுகிறார். மேலும், “காதைப் பிடித்து தவறை ஒப்புக்கொள், என்னிடம் தவறு நடந்துவிட்டது என்று சொல்” என்றும், மற்றொரு நபர் “நான் இங்கு அனைவருக்கும் சேவை செய்வேன், அனைத்து கன்வாரியாக்களின் கால்களையும் தொட்டு வணங்குவேன்” என்று கூறுமாறும் அந்த பதிவில் கேட்கிறது.

இருப்பினும், இந்த மோதலுக்கு வழிவகுத்த துல்லியமான பின்னணிச் சூழல் என்ன என்பது குறித்து இன்னும் தெளிவாகத் தெரியவில்லை. இந்தச் சம்பவத்திற்கு முன்பாக என்ன நடந்தது என்பது குறித்த சுயாதீனமான உறுதிப்படுத்தப்பட்ட விவரங்கள் எதுவும் இதுவரை வெளியாகவில்லை. புனீத் சூப்பர்ஸ்டார் தனது வாழ்நாளில் முதல்முறையாக கன்வர் யாத்திரையை மேற்கொள்வதாக வீடியோ ஒன்றை சமீபத்தில் பகிர்ந்திருந்த நிலையில், இந்த புதிய வீடியோ சமூக வலைதளங்களில் வெளியாகி பெரும் கவனத்தைப் பெற்றுள்ளது. Magadh Updates வாயிலாக வெளிவந்து, @gharkekalesh என்ற X கணக்கில் பகிரப்பட்ட இந்த வீடியோ இணையவாசிகளிடையே விவாதங்களை கிளப்பியுள்ளது.

இந்தக் காட்சிகளுக்கு சமூக வலைதளப் பயனர்கள் பல்வேறு விதமான கருத்துகளைத் தெரிவித்து வருகின்றனர். சிலர் இது புனீத்தின் வழமையான நடிப்பா அல்லது உண்மையான சம்பவமா என்று கேள்வி எழுப்பியுள்ளனர். மேலும் சிலர், புனிதமான ஆன்மீக நிகழ்வைச் சுற்றி இதுபோன்ற காட்சிகளை உருவாக்குவதைக் விமர்சித்துள்ளனர். “இவரின் வேலையே இதுதான், எப்போது நடிக்கிறார் எப்போது உண்மையாக இருக்கிறார் என்றே தெரியாது” என்றும், “எல்லா இடங்களிலும் லார்ட் புனீத்திற்கு ஃபீல்டிங் செட் செய்யப்படுகிறது” என்றும் பயனர்கள் கருத்து தெரிவித்துள்ளனர். தற்போது வரை இந்த வைரல் வீடியோவின் முழு பின்னணியும் தெளிவாக அறியப்படவில்லை.