ஒன்றரை வருஷமா ஒரு பொண்ணை காதலிச்சேன்.. அப்புறம்.. காதல் தோல்வி குறித்து முதல்முறையாக ஓப்பனாக பேசிய விஜய் மகன் ஜேசன் சஞ்சய்..!!

இயக்குநர் ஜேசன் சஞ்சய் தனது கல்லூரி கால காதல் மற்றும் அதில் ஏற்பட்ட பிரிவு குறித்து சமீபத்திய பேட்டி ஒன்றில் வெளிப்படையாகப் பகிர்ந்துள்ளார். தாங்கள் இருவரும் ஒன்றரை ஆண்டுகள் காதலித்ததாகவும், பின்னர் பரஸ்பரம் சுமூகமாகப் பேசிப் பிரிந்துவிட்டதாகவும் அவர் தெரிவித்துள்ளார். இந்தத் தகவல் தற்போது சமூக வலைத்தளங்களில் ரசிகர்களிடையே பெரும் கவனத்தைப் பெற்று வருகிறது.

காதல் தோல்வியின் போது ஏற்பட்ட மன வேதனையை எப்படிக் கடந்தார் என்பது குறித்தும் அவர் பேசியுள்ளார். அந்த இக்கட்டான காலகட்டத்தில், இசை அமைப்பாளர் யுவன் சங்கர் ராஜாவின் பாடல்களைத் தான் தொடர்ந்து கேட்டு வந்ததாகக் குறிப்பிட்டுள்ளார். யுவனின் மெலடிப் பாடல்களும், பின்னணி இசையும் தனது காயங்களுக்கு மருந்தாக அமைந்ததாக அவர் நெகிழ்ச்சியுடன் பகிர்ந்துள்ளார்.

அந்தப் பிரிவுக்குப் பிறகு, சோகத்திலேயே மூழ்கியிருக்காமல் தனது வாழ்க்கையின் அடுத்த கட்டத்தை நோக்கி நகர முடிவெடுத்ததாக சஞ்சய் கூறியுள்ளார். தற்போது இயக்குநராகத் தனது திரையுலகப் பயணத்தைத் தொடங்கவுள்ள நிலையில், அவரது இந்த முதிர்ச்சியான மற்றும் வெளிப்படையான பேச்சு இணையத்தில் வைரலாகி வருகிறது.