சிக்கலில் செங்கோட்டையன்…! இடைத்தேர்தல் முடிந்த கையோடு அடுத்த பஞ்சாயத்தா..? 15 அதிமுக எம்.எல்.ஏ-க்கள் விவகாரத்தில் தலைமை அதிருப்தி..!!

அதிமுகவிலிருந்து மேலும் 15 சட்டமன்ற உறுப்பினர்கள் தமிழக வெற்றிக் கழகத்தில் இணைவார்கள் என மின்துறை அமைச்சர் கே.ஏ. செங்கோட்டையன் பேசியுள்ள கருத்து, தமிழக அரசியல் வட்டாரத்தில் பெரும் சலசலப்பை ஏற்படுத்தியுள்ளது. ஏற்கனவே அண்மையில் நடந்து முடிந்த 5 தொகுதிகளுக்கான இடைத்தேர்தல் முடிவுகள் வெளியாகி, மக்கள் ஒரு அரசியல் நிலைப்பாட்டை எடுத்துள்ள சூழலில், அடுத்த சில நாட்களிலேயே மீண்டும் ஒரு தொகுதி மாற்றத்தை அமைச்சர் பொதுவெளியில் பேசியிருப்பது அரசியல் விமர்சகர்கள் மத்தியில் கடுமையான விவாதப் பொருளாக மாறியுள்ளது.

அரசியல் விமர்சகர்களின் கூற்றுப்படி, அடுத்தடுத்து இடைத்தேர்தல்களைச் சந்திப்பது பொதுமக்களிடையே மிகப்பெரிய அதிருப்தியை ஏற்படுத்தக்கூடும். சட்டமன்ற உறுப்பினர்கள் தங்களது பதவிகளை ராஜினாமா செய்துவிட்டு வேறொரு கட்சிக்கு மாறுவதும், அதன் காரணமாக மீண்டும் ஒரு இடைத்தேர்தல் நடத்தப்பட்டு அரசுப் பொதுப்பணம் பெருமளவில் செலவிடப்படுவதும் வாக்காளர்கள் மத்தியில் சலிப்பை உருவாக்கும் என்று சுட்டிக்காட்டுகின்றனர். அமைச்சர் செங்கோட்டையனின் இந்த பேச்சு, மக்களுக்கான ஆக்கப்பூர்வமான பணிகளை விட, அடுத்த இடைத்தேர்தலுக்கான விதையை இப்போதே போடுவது போல் அமைந்துள்ளதாக அவர்கள் கருதுகின்றனர்.

மேலும், பிரதான எதிர்க்கட்சியான அதிமுகவிலிருந்து பெருமளவிலான சட்டமன்ற உறுப்பினர்கள் வெளியேறுவார்கள் என்று ஆளுங்கட்சி அமைச்சர் ஒருவர் பேசுவது, தற்போதுள்ள அரசியல் ஸ்திரத்தன்மைக்கு உகந்ததல்ல என்றும் விமர்சிக்கப்படுகிறது. 15 எம்.எல்.ஏ-க்கள் தவெகவுக்கு மாறுவார்கள் என்ற இந்த கருத்து அதிமுகவுக்குள் ஒருவித தர்மசங்கடத்தை ஏற்படுத்தினாலும், ஒட்டுமொத்த ஜனநாயக நடைமுறையில் மக்கள் மத்தியில் அரசியல்வாதிகள் மீதான நம்பிக்கையைக் குறைக்க வாய்ப்புள்ளதாகவே அரசியல் நோக்கர்கள் தங்களது கருத்துக்களை முன்வைக்கின்றனர்.