CRIME
“ஐயோ பாவம்.. காலை 8 மணிக்கு நடந்த விபரீதம்…” 8:30-க்கு வந்த போன் கால்.. பள்ளி மாணவனுக்கு நேர்ந்த கொடூரம்.. இரயில்வே கிராசிங்கில் நடந்தது என்ன..?போலீசார் தீவிர விசாரணை..!!
இந்தோனேசியாவின் தெற்கு லாம்பாங் நட்டர் துணை மாவட்டத்தில் உள்ள ஹடுயாங் கிராம இரயில்வே கிராசிங்கில், 17 வயது பள்ளி மாணவன் ஒருவன் இன்று காலை உயிரிழந்த நிலையில் சடலமாகக் கண்டெடுக்கப்பட்டுள்ளான். உயிரிழந்த அந்த மாணவன் கிழக்கு லாம்பாங்கின் சுகதானா பகுதியைச் சேர்ந்த ‘அபியத் புத்ரா குர்னியாவன்’ என அடையாளம் காணப்பட்டுள்ளார். உடல் கண்டெடுக்கப்பட்டபோது, அவர் ‘SMA நெகிரி 4 மெட்ரோ’ என்ற அரசுப் பள்ளியின் சீருடையை அணிந்திருந்தார்.
நட்டர் பகுதி காவல் துறை தலைவர் அளித்த முதற்கட்ட தகவலின்படி, அந்த மாணவன் காலை 08:00 மணியளவில் இரயில்வே கிராசிங் பகுதியை நோக்கி நடந்து சென்றுள்ளார். இது குறித்து காலை 08:30 மணியளவில் அப்பகுதி மக்கள் கொடுத்த தகவலின் பேரில், போலீசார் உடனடியாக சம்பவ இடத்திற்கு விரைந்தனர். பின்னர், மாணவனின் உடல் மீட்கப்பட்டு ‘நட்டர் மெடிகா’ மருத்துவமனைக்குக் கொண்டு செல்லப்பட்டது. இந்தச் சம்பவம் தொடர்பாக போலீசார் வழக்குப்பதிவு செய்து, சம்பவ இடத்தில் விசாரணை நடத்தியும், சாட்சிகளிடம் வாக்குமூலம் பெற்றும் தீவிரமாக புலனாய்வு செய்து வருகின்றனர்.
