“அக்கா கணவருடன் கள்ளத்தொடர்பு” ஆசை வார்த்தை கூறி வரவழைத்து கணவனின் கழுத்தை நெரித்துக் கொன்ற குடும்பம்… தூக்கில் தொங்கிய உடல்..!!

உத்தரப் பிரதேச மாநிலம் பதாவுன் மாவட்டத்தில், கந்த்ரி கிராமத்தின் நாகேஸ்வர் நாத் கோவிலுக்குப் பின்னால் உள்ள ஒரு மரத்தில் 23 வயதான சச்சின் என்ற இளைஞரின் உடல் தூக்கில் தொங்கிய நிலையில் மீட்கப்பட்டது. இது தற்கொலை போல சித்தரிக்கப்பட்டிருந்தாலும், சச்சினின் மனைவி காஜல் மற்றும் அவரது குடும்பத்தினர் இணைந்து திட்டமிட்டு நடத்திய படுகொலை இது என்று சச்சினின் பெற்றோர் காவல் நிலையத்தில் புகார் அளித்துள்ளனர். இந்தச் சம்பவம் அந்தப் பகுதியில் பெரும் பரபரப்பை ஏற்படுத்தியுள்ளது.

காவல்துறையினரின் முதற்கட்ட விசாரணையில், இந்தத் துயரச் சம்பவத்திற்குப் பின்னால் ஒரு கள்ளக்காதல் விவகாரம் இருப்பது வெளிச்சத்திற்கு வந்துள்ளது. சச்சினின் மனைவி காஜலுக்கும், அவரது அக்கா கணவரான (சகோதரி வழி மைத்துனர்) ஓம்பால் என்பவருக்கும் இடையே கள்ளத்தொடர்பு இருந்துள்ளது. கடந்த சில மாதங்களாகக் கணவரைப் பிரிந்து காஜல் தனது தாய் வீட்டில் வசித்து வந்த நிலையில், கடந்த அக்டோபர் 9-ஆம் தேதி சச்சினைத் தொலைபேசியில் அழைத்துத் தன்னை அழைத்துச் செல்லுமாறு கூறியுள்ளார். சச்சினும் அதை நம்பி மனைவியின் ஊருக்குச் சென்றுள்ளார்.

அப்போது, தனது அக்கா கணவர் ஓம்பால் வீட்டிற்குச் சென்றுவிட்டுப் பிறகு ஊருக்குப் போகலாம் என்று காஜல் சச்சினை வற்புறுத்தி அழைத்துச் சென்றுள்ளார். அங்கு ஓம்பாலின் வீட்டில் வைத்து காஜல், அவரது தாய், தந்தை, சகோதரர் மற்றும் கள்ளக்காதலனான ஓம்பால் ஆகிய அனைவரும் சேர்ந்து சச்சினின் கழுத்தை நெரித்துக் கொடூரமாகக் கொலை செய்ததாக உறவினர்கள் குற்றம் சாட்டுகின்றனர். பின்னர் கொலையை மறைப்பதற்காக நள்ளிரவில் சச்சினின் உடலைத் தூக்கில் தொங்கவிட்டுள்ளனர். சச்சினின் உடலை உடற்கூறாய்வுக்கு அனுப்பிய காவல்துறையினர், புகாரின் அடிப்படையில் தீவிர விசாரணை மேற்கொண்டு வருகின்றனர்.