அய்யோ கொடுமையே..! 18 மாதக் குழந்தையை 6-வது மாடியில் இருந்து தூக்கி வீசிய 10 வயது சிறுமி! பூனை தகராறால் நடந்த பதறவைக்கும் கொடூர சம்பவம்..!!

மும்பையின் மேற்கு புறநகர் பகுதியான கோரேகான் கிழக்கில் உள்ள ஷிவ்ஷாஹி கட்டட எண் 1-ன் 6-வது மாடியில், கடந்த அக்டோபர் 14 அன்று இரவு 9 மணியளவில் 18 மாதக் குழந்தை திடீரென மாயமானது. சிறிது நேரத்திற்குப் பிறகு, அண்டை வீட்டில் வசிக்கும் 10 வயது சிறுமி அக்குழந்தையை 6-வது மாடியிலிருந்து கட்டடத்தின் திறந்தவெளி நல்வழி (டேக்ட்/நாளி) வழியாக கீழே தூக்கி வீசியது தெரியவந்தது. அதிக உயரத்தில் இருந்து கீழே விழுந்ததில் படுகாயமடைந்த அக்குழந்தை சம்பவ இடத்திலேயே பரிதாபமாக உயிரிழந்தது.

தொடக்கத்தில் குழந்தை எவ்வாறு கீழே விழுந்தது என்பது தெரியாமல் இருந்த நிலையில், கட்டடத்தின் சிசிடிவி (CCTV) காட்சிகளைப் பரிசோதித்தபோது உண்மை வெளிச்சத்திற்கு வந்தது. அதில், 10 வயது சிறுமி அக்குழந்தையை கைகளில் ஏந்திச் சென்று 6-வது மாடி நல்வழியின் அருகே இருந்து கீழே வீசுவது தெளிவாகப் பதிவாகியிருந்தது. இச்சம்பவம் தொடர்பான சிசிடிவி காட்சிகளின் அடிப்படையில் திண்டோஷி காவல் நிலைய போலீசார் வழக்குப் பதிவு செய்தனர்.

பாதிக்கப்பட்ட குடும்பத்தினர் அக்டோபர் 1 அன்றுதான் அந்த கட்டடத்திற்கு குடிவந்துள்ளனர். சில நாட்களுக்கு முன்பு பூனை தொடர்பாக இரு குடும்பத்தினருக்கும் இடையே தகராறு ஏற்பட்டு முன்விரோதம் இருந்துள்ளது. சிறுமி மனவளர்ச்சி குன்றியவர் எனக் கூறப்படும் நிலையில், இச்சம்பவத்தில் சிறுமிக்கு யாரேனும் தூண்டுதலாக இருந்தார்களா என்ற கோணத்திலும் போலீசார் விசாரணை நடத்தி வருகின்றனர். இச்சம்பவம் தொடர்பாக சிறுமி மற்றும் அவரது தாயாரை காவல் துறையினர் கைது செய்து விசாரணை நடத்தி வருகின்றனர்.