அச்சச்சோ… நொடிப் பொழுதில் நடந்த கொடூரம்.. 100 அடி உயரத்தில் இருந்து அறுந்து விழுந்த கிரேன்..! அலறியடித்து ஓடிய மக்கள்… கட்டுமான தளத்தில் பெரும் சோகம்..!!

மகாராஷ்டிர மாநிலம் நாக்பூர் நகரின் கணேசபேட் பகுதியில் உள்ள MHADA  வளாகத்தில் அமைந்துள்ள ஜவுளிப் பூங்கா மற்றும் வணிக வளாகத்தின் கட்டுமானப் பணியின் போது பெரும் விபத்து நிகழ்ந்துள்ளது. இந்தத் தளத்தில் சுமார் 100 அடி உயரத்தில் பயன்படுத்தப்பட்டு வந்த கிரேன் இயந்திரத்தின் மேல் பகுதி திடீரென உடைந்து கீழே விழுந்ததில், இரண்டு தொழிலாளர்கள் பரிதாபமாக உயிரிழந்தனர். மேலும், இந்த விபத்தில் இரண்டு தொழிலாளர்கள் படுகாயமடைந்துள்ளனர்.

உயிரிழந்தவர்கள் விஸ்வநாத் கட்டாரே (பண்டாரா பகுதியைச் சேர்ந்தவர்) மற்றும் முகேஷ் நிஷாத் (உத்தரப் பிரதேசம்) என அடையாளம் காணப்பட்டுள்ளனர். MHADA  வளாகத்தில் ஜவுளிப் பூங்கா மற்றும் வணிக வளாகத்தை அமைக்கும் பணி ‘பி.ஜி. ஷிர்கே கன்ஸ்ட்ரக்சன் கம்பெனி’ என்ற நிறுவனத்திற்கு வழங்கப்பட்டுள்ளது. சம்பவத்தின் போது கிரேன் மீது பணியில் ஈடுபட்டிருந்த தொழிலாளர்கள் இந்த விபத்தில் சிக்கிக் கொண்டனர்.

கவலைக்கிடமான இந்தச் சம்பவம் குறித்து காவல் துறை துணை ஆணையர் ராகுல் மதனே கூறுகையில், இயந்திரம் உடைந்ததற்கான உண்மையான காரணத்தைக் கண்டறிய சம்மந்தப்பட்ட இயந்திரவியல் துறை அதிகாரிகளிடம் ஆலோசிக்கப்படும் என்றார். மேலும், இது தொடர்பாக தற்செயலான மரணம் எனப் பதிவு செய்யப்பட்டு, நிறுவனத்தின் மேற்பார்வைக் குழுவினரிடம் இருந்து தகவல்கள் சேகரிக்கப்பட்டு வருவதாகவும், உரிய சட்ட நடவடிக்கை எடுக்கப்படும் எனவும் அவர் தெரிவித்தார்.