“அடப்பாவமே.. 1.5 ஏக்கர் நிலத்திற்காக இப்படியா..?” ரத்தவெள்ளத்தில் சரிந்த மருமகள்.. மாமனார் குடும்பத்தின் வெறிச்செயல்.. கதி கலங்க வைக்கும் பின்னணி..!!

தெலங்கானா மாநிலம் மகபூப்நகரில், தங்களது பேத்திகளின் எதிர்காலத்திற்காக ஒதுக்கப்பட்ட 1.5 ஏக்கர் நிலத்தை அபகரிப்பதற்காக, 28 வயதுடைய கட்ராவத் சுனிதா என்ற பெண்ணை அவரது மாமனார் குடும்பத்தினரே கொடூரமான முறையில் தலையைத் துண்டித்துக் கொலை செய்துள்ள நெஞ்சை உலுக்கும் சம்பவம் அரங்கேறியுள்ளது. சுனிதாவின் கணவர் பலராம் மனநலக் குறைபாட்டால் பாதிக்கப்பட்டு, அவரது சகோதரர்களால் சிகிச்சைக்கு அழைத்துச் செல்லப்பட்டிருந்தார். இந்த நிலையில், சுனிதாவின் இரண்டு பெண் குழந்தைகளின் எதிர்காலப் பாதுகாப்பிற்காக ஊர்ப் பெரியவர்கள் 1.5 ஏக்கர் நிலத்தை சுனிதாவின் பெயரில் பதிவு செய்து கொடுத்துள்ளனர். ஆனால், சுனிதாவிற்கு வேறொரு நபருடன் தொடர்பு இருப்பதாகக் கூறி, அவர் மறுமணம் செய்துகொண்டால் இந்த நிலம் தங்களுக்குக் கிடைக்காமல் போய்விடுமோ என்ற சுயநலப் பயத்தில் மாமனார் குடும்பத்தினர் இந்தக் கொடூரத் திட்டத்தைத் தீட்டியுள்ளனர்.

சம்பவத்தன்று சுனிதா தனது விவசாய நிலத்தில் இருந்தபோது, அங்கு வந்த அவரது மாமனார் குடும்பத்தினர் அவரை வலுக்கட்டாயமாக வீட்டிற்கு இழுத்துச் சென்றுள்ளனர். அங்கு யாரும் எதிர்பாராத விதமாக, கூர்மையான ஆயுதங்களால் சுனிதாவைத் தாக்கி, அவரது தலையைத் துண்டித்துக் கொடூரமாகக் கொலை செய்துள்ளனர். தங்களின் எதிர்காலத்திற்காகப் போராடிய தாயை இழந்துவிட்டு, தற்போது 5 மற்றும் 2 வயதுடைய இரண்டு பச்சிளம் பெண் குழந்தைகளும் ஆதரவற்ற நிலையில் தவித்து வருகின்றனர். தன் குழந்தைகளின் எதிர்காலத்தைப் பாதுகாக்க நினைத்த ஒரு தாய், சொந்த மாமனார் குடும்பத்தாலேயே இத்தகைய மிருகத்தனமான முறையில் கொல்லப்பட்ட இந்த விபரீதச் சம்பவம் ஒட்டுமொத்த பொதுமக்களையும் அதிர்ச்சியிலும் ஆழ்ந்த துயரத்திலும் ஆழ்த்தியுள்ளது.