பதற வைக்கும் கொடூரம்.. துணிக்கடை சேஞ்சிங் ரூமில் இளம் பெண் கழுத்தறுத்துப் படு***லை… ஒருதலைக் காதலால் நடந்த வெறிச்செயல்..!!

டெல்லியின் மோதி நகர் பகுதியில் உள்ள ஒரு துணிக்கடை ஷோரூமில் 18 வயது இளம் பெண் ஒருவர் கழுத்தறுத்துக் கொலை செய்யப்பட்டுள்ளார். ஷோரூமின் சேஞ்சிங் ரூமுக்குள் நுழைந்து இந்தக் கொடூரச் செயலில் ஈடுபட்ட குற்றவாளி, சம்பவ இடத்திலிருந்து தலைமறைவாகிவிட்டார். இரவு சுமார் 9 மணியளவில் ஷோரூமை மூடச் சென்ற ஊழியர்களுக்கு இந்தச் சம்பவம் தெரியவந்துள்ளது.

கொலை செய்யப்பட்ட பெண் மேற்கு டெல்லியைச் சேர்ந்த ஷப்னம் என அடையாளம் காணப்பட்டுள்ளார். இவர் மோதி நகர் மெட்ரோ நிலையம் அருகில் உள்ள ‘வஸ்த்ர மஹால்’ துணிக்கடையில் பணிபுரிந்து வந்துள்ளார். வழக்கம்போல் அன்றைய தினமும் வேலைக்கு வந்த அவரிடம், முன்கூட்டியே பழக்கமான ஒரு இளைஞர் தகராறில் ஈடுபட்டு, அவரைச் சேஞ்சிங் ரூமுக்கு அழைத்துச் சென்று கூர்மையான ஆயுதத்தால் தாக்கிக் கொலை செய்துள்ளார். இவர்களுக்கு இடையேயான நட்பில் ஏற்பட்ட விரிசல் மற்றும் ஒருதலைப்பட்சமான காதலே இந்தக் கொடூரத்திற்குக் காரணமாக இருக்கலாம் என்று சந்தேகிக்கப்படுகிறது.

இரவு 9 மணியளவில் ஷோரூம் ஊழியர்கள் கடையை மூடும்போது சேஞ்சிங் ரூமில் ஷப்னமின் சடலம் கிடப்பதைக் கண்டு அதிர்ச்சியடைந்தனர். உடனடியாகக் காவல்துறைக்குத் தகவல் அளிக்கப்பட்டதைத் தொடர்ந்து, மோதி நகர் காவல் நிலைய போலீசார் சம்பவ இடத்திற்கு விரைந்து வந்து உடலைக் கைப்பற்றிப் பிரேத பரிசோதனைக்கு அனுப்பி வைத்தனர். தற்போது குற்றவாளியைக் கண்டறிய அப்பகுதியில் உள்ள சிசிடிவி காட்சிகளை போலீசார் தீவிரமாக ஆய்வு செய்து வருகின்றனர்.