20 வருஷ ரகசியம் உடைந்தது..! வில்லு பிரஸ் மீட்டில் விஜய் ‘சைலன்ஸ்’ எனக் கத்தியதன் உண்மைப் பின்னணி.. பல வருட வதந்திக்கு முற்றுப்புள்ளி வைத்த ராஜ்குமார் பெரியசாமி..!!

2009-ம் ஆண்டு வெளியான வில்லு திரைப்படத்தின் செய்தியாளர் சந்திப்பில் நடிகர் விஜய் திடீரென ‘சைலன்ஸ்’ என ஆக்ரோஷமாகக் கத்தியதற்கான உண்மையான காரணத்தை இயக்குநர் ராஜ்குமார் பெரியசாமி தற்போது விளக்கியுள்ளார். பிரபுதேவா இயக்கத்தில் வெளியான அந்தப் படத்தின் விமர்சனங்கள் குறித்துப் பேசுவதற்காக ஏற்பாடு செய்யப்பட்டிருந்த நிகழ்வில், விஜய் கோபமாகக் கத்திய காணொளி இணையத்தில் பல ஆண்டுகளாக வைரலாகி வந்தது.

சுமார் 20 ஆண்டுகளுக்குப் பிறகு யூடியூப் சேனல் ஒன்றிற்குப் பேட்டியளித்த ராஜ்குமார் பெரியசாமி, அந்தச் செய்தியாளர் சந்திப்பு ஒரு கல்யாண மண்டபத்தில் நடைபெற்றதாகக் குறிப்பிட்டுள்ளார். அப்போது மண்டபத்தில் வேறொரு விழா முடிந்து ஊழியர்கள் நாற்காலிகளை அகற்றிக் கொண்டிருந்ததாகவும், அந்த அதிகப்படியான சத்தம் செய்தியாளர் சந்திப்பிற்குப் பெரும் இடையூறாக இருந்ததாகவும் அவர் தெரிவித்தார்.

நாற்காலிகளை நகர்த்தும் சத்தம் மைக்கில் பதிவாகாத நிலையில், இடையூறு செய்த மண்டப ஊழியர்களைப் பார்த்துத்தான் விஜய் ‘சைலன்ஸ்’ எனக் கத்தினார். ஆனால், அவர் செய்தியாளர்களைப் பார்த்துக் கோபமாகக் கத்தியதாகப் பலராலும் தவறாகப் புரிந்துகொள்ளப்பட்டது என ராஜ்குமார் பெரியசாமி அந்தச் சம்பவத்தின் பின்னணியைத் தெளிவுபடுத்தியுள்ளார்.