ரோடு போடாம கொள்ளையடிச்ச 420 கும்பல்.. அப்பா கட்சி அம்பலப்பட்டு நிக்குது… எத்தனை நாளுதான் திருடுவீங்க..? எதிர்க்கட்சிகளை ஒரே பதிவில் கதறவிட்ட தவெக..!!

தமிழக வெற்றிக் கழகத்தின் தகவல் தொழில்நுட்பப் பிரிவு, ஆளும்கட்சியான திமுக மற்றும் எதிர்க்கட்சியான அதிமுக ஆகிய இரு முக்கியக் கட்சிகளையும் தாக்கி தனது எக்ஸ் தளத்தில் ஒரு காட்டமான பதிவை வெளியிட்டுள்ளது. ஆட்சியில் இருந்தபோது சாலைகளையே போடாமல் அரசுப் பணத்தைக் கொள்ளையடித்ததாக ஒரு தரப்பை “420 கும்பல்” எனக் கடுமையாகச் சாடியுள்ள தவெக, அவர்கள் மீண்டும் அதிகாரத்திற்கு வர முடியாது என்ற பதற்றத்தில் தற்போது மாணவர்களின் போராட்ட புகழையும் திருட முயல்வதாகக் குற்றம் சாட்டியுள்ளது.

மேலும், இந்த விவகாரத்தில் திமுகவை “புரட்டு திமுக” என்றும், அவர்களின் செயல்பாடுகளை “Gen Z திமுக” அல்ல, செரிமானக் கோளாறுக்கான “Gelusil திமுக” என்றும் பொதுமக்கள் விமர்சிப்பதாகப் பதிவு செய்துள்ளது. “வாடகை வாய் டுபாகூர்கள்” என்றும், “அளவெடுத்துச் செய்த அப்பா கட்சி” என்றும் மிகக் கடுமையான வார்த்தைப் பிரயோகங்களைப் பயன்படுத்தி தவெக ஐடி விங் தாக்கியுள்ளது. மதிப்புமிகு பாலன் இல்லத்தை பகடைக்காயாக மாற்ற நினைத்த வாரிசு அரசியலையும் அவர்கள் கடுமையாகச் சாடியுள்ளனர்.

ஏற்கனவே பல விஷயங்களைத் திருடியவர்கள், இப்போது மாணவர்கள் திரட்டிய போராட்டப் புகழையும் திருடப் பார்ப்பது கேவலமான பிழைப்பு என தவெக சாடியுள்ளது. தமிழக அரசியல் களத்தில் மாணவர்களின் போராட்டத்தை மையமாகக் கொண்டு தவெக, திமுக மற்றும் அதிமுக இடையே வெடித்துள்ள இந்த வார்த்தைப் போர் தற்போது பெரும் பரபரப்பை ஏற்படுத்தியுள்ளது.