“அடகொடுமையே!.. படித்த படிப்புக்குக் கிடைத்த கொடூரமான ஊதியம்!.. தூய்மைப் பணியாளரைவிடக் குறைவான சம்பளமா?.. வைரலாகும் மருந்தாளுநர் பட்டதாரிப் பெண்ணின் கதறல் வீடியோ..!!

மருந்தாளுநர் பணி நேர்காணல் குறித்த ஒரு இன்ஸ்டாகிராம் பதிவு இணையத்தில் வைரலாகி வருகிறது. கடினமாகப் படித்து மருந்தாளுநராக மாறிய ஒரு பெண், நல்ல வேலை கிடைக்கும் என்ற நம்பிக்கையில் தேடியபோது, மாதத்திற்கு 15,000 ரூபாய் சம்பளம் கூட கிடைக்காமல் ஏமாற்றமடைந்தார். ஒரு மருத்துவமனையில் நேர்காணலுக்காகக் காத்திருந்தபோது, அங்கிருந்த தூய்மைப் பணியாளர் ஒருவரிடம் அவரது சம்பளம் பற்றிக் கேட்டார்; அந்தப் பெண் 16,000 ரூபாய் சம்பாதிப்பதாகத் தெரிவித்தார். ஆனால், மருந்தாளுநருக்கு குறைந்தபட்சம் 18,000 முதல் 20,000 ரூபாய் வரை கிடைக்கும் என்று நினைத்த அந்தப் பெண்ணுக்கு, மனிதவளத் துறை அதிகாரியைச் சந்தித்தபோது பெரும் அதிர்ச்சி காத்திருந்தது.

https://www.instagram.com/reel/Da-aLLeAviy/?utm_source=ig_embed&ig_rid=ANmCrMJy0m9HQwRhYLrZqOM

புதிய பணியாளர்களுக்கு மாதத்திற்கு 12,000 முதல் 14,000 ரூபாய் மட்டுமே வழங்கப்படுவதாகவும், 10 மணி நேர வேலை மற்றும் முதல் ஐந்து நாட்கள் உற்றுநோக்கல் காலம் இருப்பதாகவும் HR தெரிவித்தார். செலவு செய்து படித்த தன் படிப்பிற்கான பலன் கிடைக்காமல் போனதை நினைத்து அவர் மனம் உடைந்து போனார். அதிக நேரமும் பணமும் செலவழித்து கல்வி கற்கும் மருந்தாளுநர்களுக்குச் சிறந்த சம்பளமும் முறையான வேலைச் சூழலும் வழங்கப்பட வேண்டும் என்பதே பலரின் எதிர்பார்ப்பாக உள்ளது.