அந்த “பிரபல நடிகை” தான் காரணமா?…என்னை மன்னித்துவிடுங்கள்…சென்னையை விட்டே ஓடிய தோழி கெனிஷா…ரவி மோகன் ஆவேச பேச்சிற்கு பின் நீதிமன்றத்தில் நடந்த அதிரடி திருப்பம்…!

நடிகர் ரவி மோகன் மற்றும் அவரது மனைவி ஆர்த்தி இடையேயான விவாகரத்து வழக்கு சென்னை குடும்பநல நீதிமன்றத்தில் நிலுவையில் உள்ள நிலையில், இந்த விவகாரம் தொடர்பாகப் பொதுவெளியில் பேசியதற்காக நடிகர் ரவி மோகன் பகிரங்கமாக மன்னிப்பு கேட்டுள்ளார். இந்தத் தம்பதியின் குடும்பப் பிரச்சனை நீதிமன்றத்தில் இருக்கும் வரை, இரு தரப்பினரும் ஒருவரைப் பற்றி ஒருவர் பொதுவெளியில் கருத்து தெரிவிக்கக் கூடாது என நீதிமன்றம் ஏற்கனவே அறிவுறுத்தியிருந்தது. எனினும், ரவி மோகனின் தோழியும் பாடகியுமான கெனிஷா குறித்து சமூக வலைதளங்களில் கடுமையான விமர்சனங்கள் எழுந்ததால், அவர் சென்னையை விட்டு வெளியேறுவதாக அறிவித்தார். இது திரையுலகில் பெரும் பரபரப்பை ஏற்படுத்தியது.

தோழி கெனிஷாவின் வெளியேற்றத்தால் அதிருப்தியடைந்த ரவி மோகன், அண்மையில் ஊடகங்களைச் சந்தித்துத் தனது ஆதங்கத்தை ஆவேசமாக வெளிப்படுத்தினார். சைபர் புல்லிங் காரணமாகவே ஒரு நல்ல பெண் ஊரை விட்டுச் செல்ல நேரிட்டது என்று கூறிய அவர், ஆர்த்தி மற்றும் அவரது குடும்பத்தினரால் தான் சந்தித்த சிரமங்கள் குறித்தும் கண்ணீர் மல்கப் பேசினார். மேலும், தனது குடும்ப வாழ்க்கை சீர்குலைய ஒரு பிரபல நடிகைதான் காரணம் என்றும் அவர் பகிரங்கமாகக் குற்றம்சாட்டினார். நீதிமன்றத்தின் தடையுத்தரவை மீறி ரவி மோகன் இவ்வாறு ஊடகங்களில் பேசியது சமூக வலைதளங்களில் காட்டுத்தீயாய் பரவி, விவாதப் பொருளாக மாறியது.

இதனைத் தொடர்ந்து, நீதிமன்ற உத்தரவை ரவி மோகன் மீறிவிட்டதாகக் கூறி ஆர்த்தி தரப்பில் உயர் நீதிமன்றத்தில் மனு தாக்கல் செய்யப்பட்டது. இந்த மனு விசாரணைக்கு வந்தபோது, ரவி மோகன் தரப்பில் நீதிமன்றத்தில் ஒரு முக்கிய ஆவணம் தாக்கல் செய்யப்பட்டது. அதில், திருமணத் தகராறு தொடர்பான கருத்துகளைப் பொதுவெளியில் பகிர்ந்ததற்காகவும், தனது பேச்சால் மனவேதனை அடைந்த அனைவரிடமும் தான் நிபந்தனையற்ற மன்னிப்பு கேட்டுக் கொள்வதாகவும் ரவி மோகன் தெரிவித்துள்ளார். ஏற்கனவே பரபரப்பாகச் சென்று கொண்டிருக்கும் இந்த விவாகரத்து வழக்கில், ரவி மோகனின் இந்த பகிரங்க மன்னிப்பு தற்போது ஒரு புதிய திருப்பத்தை ஏற்படுத்தியுள்ளது.