“தெய்வத்தின் கட்டளை இதுதான்..!” சரியாக 2 மணி நேரத்தில் சீட்டுக்கட்டு போல சரிந்து விழுந்த வீடு.. அதிர்ஷ்டவசமாக உயிர்தப்பிய குடும்பத்தின் தரில்லர் பின்னணி..!!

உத்தரப் பிரதேசத்தின் கான்பூர் மற்றும் உன்னாவ் மாவட்டங்களில் கனமழையின் காரணமாக அடுத்தடுத்து அரங்கேறிய இரண்டு பெரும் விபத்துகள் அப்பகுதியில் கடும் அதிர்ச்சியை ஏற்படுத்தியுள்ளன. கான்பூர் கோட்வாலி காவல் நிலையப் பகுதிக்குட்பட்ட பெங்காலி மொஹல்லாவில், திங்கட்கிழமை இரவு பெய்த கனமழையால் சுமார் 90 ஆண்டுகள் பழமையான நான்கு மாடி வீடு ஒன்று சீட்டுக்கட்டு வீடு போல முற்றிலுமாகச் சரிந்து விழுந்தது. அதே நேரத்தில், உன்னாவ் மாவட்டம் சஃபிபூர் பகுதியில் மழையால் பலவீனமடைந்த மண் சுவர் திடீரென இடிந்து விழுந்ததில், 80 வயது முதியவர் ஒருவர் இடிபாடுகளுக்குள் சிக்கிப் படுகாயமடைந்தார்.

கான்பூரில் நிகழ்ந்த கோர விபத்தில், தெய்வீக அருளால் மாபெரும் உயிர்ச்சேதம் தவிர்க்கப்பட்டுள்ளது அனைவரையும் வியப்பில் ஆழ்த்தியுள்ளது. விபத்து நடப்பதற்குச் சில மணி நேரங்களுக்கு முன்பு, துர்கா தேவி கோயிலைப் பராமரித்து வந்த மீரா தேவிக்கு ஏற்பட்ட ஒருவித உள்ளுணர்வு காரணமாக, குடும்பத்தினர் அனைவரும் வீட்டை விட்டு உடனடியாக வெளியேறினர். மேலும், அவர்கள் தங்களது செல்ல நாய் மற்றும் முயல் ஆகியவற்றுடன் பாதுகாப்பாக வெளியேறிய நிலையில், இரவு 11 மணி முதல் அதிகாலை 5 மணிக்குள் வீடு முழுமையாக இடிந்து தரைமட்டமானது. எனினும், இடிபாடுகளுக்கு மத்தியில் இருந்த 6 அடி உயர துர்கா தேவி சிலை எந்தவித சேதமுமின்றி முற்றிலும் பாதுகாப்பாக நின்றுகொண்டிருந்தது குடும்பத்தினரையும் பொதுமக்களையும் ஆச்சரியத்தில் ஆழ்த்தியுள்ளது.

இதற்கிடையே, உன்னாவ் மாவட்டத்தில் சொத்துத் தகராறு காரணமாகச் சுவரைப் புதுப்பிக்க முடியாத சூழல் இருந்ததால், மழையில் அது இடிந்து விழுந்து விபத்து நேரிட்டுள்ளது. இடிபாடுகளுக்குள் சிக்கிப் படுகாயமடைந்த 80 வயதான முதியவரை அவரது குடும்பத்தினர் மீட்டு உடனடியாக அருகில் உள்ள மருத்துவமனையில் அனுமதித்தனர். அங்கு அவரது உடல்நிலை கவலைக்கிடமாக இருப்பதால் தீவிர சிகிச்சை அளிக்கப்பட்டு வருகிறது. கனமழையின் கோரத்தாண்டவத்தால் அடுத்தடுத்து நிகழ்ந்த இந்த இரண்டு சம்பவங்களும் அப்பகுதி மக்களிடையே பெரும் சோகத்தையும் விவாதத்தையும் ஏற்படுத்தியுள்ளன.