நிஜமான பகீர் கணிப்பு..! “நேபாளத்தில் பெருவெள்ளம் வரும்…” 2 மாதங்களுக்கு முன்பே கணித்த பாதிரியார்.. 1000 பலிகளுக்குப் பின் இணையத்தை அதிரவைக்கும் பயங்கர வீடியோ..!!

இமயமலை நாடான நேபாளத்தில் சமீபத்தில் ஏற்பட்ட பேரழிவு தரும் திடீர் வெள்ளப்பெருக்கைத் தொடர்ந்து, அந்நாட்டில் வெள்ளம் வரும் என்று முன்பே கணித்துக் கூறிய பாஸ்டர் ஒருவரின் பழைய வீடியோ சமூக வலைதளங்களில் வைரலாகி வருகிறது. இந்த வீடியோ 2026 ஜூன் 12 அன்று ‘YESHUA GOSPEL MINISTRIES’ என்ற யூடியூப் சேனலில் பகிரப்பட்டது. அதில் பாஸ்டர் பெரெஸ் என்டி நேபாளம் குறித்துப் பல கணிப்புகளைக் கூறுகிறார். அதில், “நேபாளத்தில் வீடுகள் தண்ணீரில் மூழ்குவதையும் வெள்ளத்தையும் நான் காண்கிறேன்; நேபாள நாட்டிற்காகப் பிரார்த்தனை செய்யுங்கள்” என்று அவர் பேசுவது ஆகஸ்ட் 26 பேரழிவுக்குப் பிறகு பெரும் வரவேற்பையும் கவனத்தையும் பெற்றுள்ளது. மேலும், காட்டாற்றுத் தீ, நிலநடுக்கம், அரசியல் கொந்தளிப்பு மற்றும் நோய்கள் குறித்தும் அவர் அதில் பேசியுள்ளார்.

சீன எல்லையை ஒட்டிய நேபாளத்தின் ரசுவா மாவட்டத்தில் ஆகஸ்ட் 26 அன்று ஏற்பட்ட திடீர் வெள்ளப்பெருக்கிற்குப் பிறகு இந்த வீடியோ மீண்டும் வெளிச்சத்திற்கு வந்தது. பனிப்பாறை உடைந்ததால் இந்த திடீர் வெள்ளம் ஏற்பட்டதாக அமெரிக்கப் புவியியல் ஆய்வு மையம் தெரிவித்துள்ளது. அச் சமயத்தில் அங்கு மழை பெய்யாததால், மக்களுக்கு எவ்வித எச்சரிக்கையோ முன் அறிவிப்போ இன்றி இந்த அனர்த்தம் ஏற்பட்டது. சமீபத்திய தகவல்களின்படி, நேபாளம் மற்றும் அதனை ஒட்டிய சீனப் பகுதிகளில் உயிரிழந்தவர்களின் எண்ணிக்கை 1,003 ஆக உயர்ந்துள்ளது. இதில் நேபாளத்தில் மட்டும் 987 பேரும், சீனாவில் 16 பேரும் உயிரிழந்துள்ளனர். மேலும், சுமார் 4,500 பேர் வரை காணாமல் போயுள்ளதாகக் கூறப்படுகிறது.

https://www.instagram.com/reel/DcmBjGtEru8/?utm_source=ig_web_button_share_sheet

இந்த போதகரின் வீடியோ சமூக வலைதளங்களில் வைரலானதைத் தொடர்ந்து இணையவாசிகளிடையே பலவிதமான கருத்துக்கள் எழுந்துள்ளன. சிலர் இக்கணிப்பைக் கண்டு அதிர்ச்சி அடைந்ததாகக் கூறியுள்ள நிலையில், சிலர் இதை நம்புவது கடினம் எனக் குறிப்பிட்டுள்ளனர். “ஆகஸ்ட் 26 அன்று இந்த வெள்ளம் ஏற்பட்டுள்ளது, நேபாளத்திற்காகப் பிரார்த்திப்போம்” என்றும் “கடவுளே நேபாளத்திற்கு இரக்கம் காட்டுங்கள்” என்றும் பயனர்கள் கருத்து தெரிவித்துள்ளனர். இருப்பினும், இந்த பாஸ்டரின் கணிப்பின் உண்மைத்தன்மை, அதன் பின்னணி மற்றும் இந்த வீடியோவிற்கும் நடந்த பேரழிவுக்கும் இடையே உள்ள தொடர்பு ஆகியவை குறித்துத் தனிப்பட்ட முறையில் உறுதிப்படுத்தப்படவில்லை.