“வாவ்.! என்ன ஒரு மூளை…” தண்ணீரில் பிஸ்கட்டை நனைத்து சாப்பிடும் காகம்..! வைரல் வீடியோவை பார்த்து மிரண்டுபோன நெட்டிசன்கள்..!!

மனிதர்கள் நாளுக்கு நாள் புத்திசாலிகளாக மாறி வருகின்றனர், ஆனால் இப்போது விலங்குகளும் பறவைகளும் கூட அதில் சளைத்தவை அல்ல. சமூக வலைத்தளங்களில் காகம் ஒன்றின் வீடியோ மிகவும் வைரலாகி வருகிறது, அதைப் பார்த்து அனைவரும் ஆச்சரியமடைந்துள்ளனர். இந்த வீடியோவில், ஒரு காகம் தன் அலகில் பிஸ்கட்டை வைத்திருக்கிறது. அது பிஸ்கட்டை நேரடியாகச் சாப்பிடாமல், மெதுவாக அருகில் உள்ள தண்ணீர் தொட்டிக்குச் செல்கிறது. பிஸ்கட்டை தண்ணீரில் நனைத்து, அது நன்றாக ஊறும் வரை சிறிது நேரம் காத்திருந்து, பிஸ்கட் மென்மையானதும் மிகவும் சுவைத்துச் சாப்பிடுகிறது. காகம் இதை ஒருமுறை மட்டுமல்ல, ஒவ்வொரு முறை பிஸ்கட் துண்டைச் சாப்பிடும்போதும் தண்ணீரில் நனைத்து, மென்மையாக்கிய பிறகே சாப்பிடுகிறது.

இந்த வீடியோவைப் பார்த்த அனைவரும் காகத்தின் இந்தச் சுட்டித்தனமான மூளையைப் பார்த்து ‘ஆஹா!’ என வியக்கின்றனர். வரண்ட பிஸ்கட் கடினமாக இருக்கும் என்பதால், அதை தண்ணீரில் நனைத்து மென்மையாக்கிச் சாப்பிடுவது அசல் அறிவியல் கோட்பாடு என்று மக்கள் கருத்துத் தெரிவித்து வருகின்றனர். சிலர் “இந்தக் காகம் எங்களை விடவும் புத்திசாலியாக இருக்கிறது” என்றும், வேறு சிலர் “சிறுவயதில் நாம் கேட்ட கதையில் வரும் காகம் இப்போது அப்ரேட் ஆகிவிட்டது” என்றும் கமெண்ட் செய்து வருகின்றனர்.

https://www.instagram.com/reel/Db7uR8qqbcu/?utm_source=ig_web_button_share_sheet

காகங்களின் கூர்மையான அறிவு என்பது புதிய விஷயம் அல்ல. சிறுவயதில் நாம் அனைவரும் படித்த ‘தாகமுள்ள காகம்’ கதையில், குடத்தில் அடியில் இருந்த தண்ணீரை மேலே கொண்டு வர காகம் சிறுகற்களைப் போட்டுத் தண்ணீரை உயர்த்திப் பருகியதைப் படித்திருப்போம். அந்தக்காலத்தில் அது ஒரு நீதிக்கதை என்று நினைக்கத் தோன்றியது, ஆனால் காகங்கள் உண்மையிலேயே எவ்வளவு புத்திசாலி என்பது இப்போது புரிகிறது. அன்றைய காகம் கற்களைப் போட்டுத் தண்ணீரை மேலே கொண்டு வந்தது, இன்றைய காகம் பிஸ்கட்டைத் தண்ணீரில் நனைத்து மென்மையாக்கிச் சாப்பிடுகிறது. முறைதான் மாறியிருக்கிறதே தவிர, பிரச்சனையைக் கண்டறிந்து அதற்குத் தீர்வு காணும் அதன் புத்தி கூர்மை மாறவில்லை.