விபத்தில் சிக்கிய நடிகர் விஜய் ஆண்டனி…. இப்போ எப்படி இருக்கார்?…. மருத்துவமனை வெளியிட்ட தகவல்….!!!

தமிழ் சினிமாவின் முன்னணி நடிகராக வலம் வந்து கொண்டிருப்பவர் விஜய் ஆண்டனி. இவரின் நடிப்பில் சமீபகாலமாக வெளியாகும் திரைப்படங்கள் ரசிகர்கள் மத்தியில் சூப்பர் டூப்பர் ஹிட் கொடுத்துள்ளனர். அதிலும் குறிப்பாக இவர் நடிப்பில் வெளியான பிச்சைக்காரன் திரைப்படம் இவரது திரை பயணத்தில் மிகப்பெரிய திருப்புமுனையாக அமைந்தது. அவரைத் தொடர்ந்து பல சூப்பர் ஹிட் திரைப்படங்களை இவர் கொடுத்த நிலையில் ரசிகர்கள் மத்தியில் மேலும் பிரபலமானார். இவருக்கென தனி ஒரு ரசிகர் பட்டாளமே உள்ளது.

இதனிடையே விஜய் ஆண்டனி தற்போது தமிழரசன், அக்னி சிறகுகள், காக்கி, பிச்சைக்காரன் 2, மழை பிடிக்காத மனிதன் ஆகிய  திரைப்படங்களில் நடித்து வருகின்றார். இதனிடையே பிச்சைக்காரன் 2 படத்தின் சூட்டிங் மலேசியாவில் உள்ள ஒரு தீவில் நடைபெற்ற நிலையில் அங்கு சில காட்சிகள் படமாக்கப்பட்ட போது விஜய் ஆண்டனிக்கு திடீரென விபத்து ஏற்பட்டது.

அந்த விபத்தில் அவரின் முகத்தில் தீவிரமான காயங்கள் ஏற்பட்டதாகவும் அவர் கடலில் விழுந்ததால் கடல் தண்ணீரை குடித்ததால் மூச்சு விட சிரமப்படுவதாகவும் தகவல்கள் வெளியாக்கின. தற்போது மருத்துவமனையில் சிகிச்சை பெற்று வரும் இவர் உடல்நிலை சீராக உள்ளதாகவும் விரைவில் இந்தியா திரும்ப உள்ளதாகவும் அதன் பிறகு மருத்துவமனையில் சிகிச்சை வழங்கப்பட உள்ளதாகவும் தகவல் வெளியாகி உள்ளது.