பெலிக்ஸ் ஜெரால்டு பதவியைப் பறிக்கப் பார்க்கும் திமுக..? சட்டசபையிலேயே குறிவைத்த எம்.எல்.ஏ ஆஸ்டின்… அப்ப லியோனி பண்ணது மட்டும் சரியா..?அமைச்சர் நிர்மல்குமார் கொடுத்த நெத்தியடி பதில்..!!

தமிழ்நாடு மாநில சிறுபான்மையினர் ஆணையத்தின் தலைவராக பெலிக்ஸ் ஜெரால்டு நியமிக்கப்பட்டுள்ள நிலையில், அவர் தொலைக்காட்சி விவாதங்களில் பங்கேற்கக் கூடாது அல்லது அவரை பதவியில் இருந்து நீக்க வேண்டும் என்று திமுக எம்.எல்.ஏ ஆஸ்டின் தமிழக சட்டப்பேரவையில் வலியுறுத்தியுள்ளார். சிறுபான்மையினர் ஆணையத் தலைவர் பதவி என்பது ஒரு சட்டப்பூர்வ பதவி என்பதால், அவர் ஊடக விவாதங்களில் தொடர்ந்து பங்கெடுப்பது சட்டப்படி தடுக்கப்பட வேண்டும் என அவர் சுட்டிக்காட்டினார்.

திமுக உறுப்பினரின் இந்தத் தாக்குதலுக்கு உடனடியாகப் பதிலடி கொடுத்த தவெக அமைச்சர் நிர்மல் குமார், கடந்த திமுக ஆட்சிக்காலத்தில் திண்டுக்கல் லியோனி பாடநூல் கழகத் தலைவராக இருந்ததை அவையில் நினைவு கூர்ந்தார். அந்தப் பதவியில் இருந்துகொண்டு திண்டுக்கல் லியோனி செய்த முழுப் பணியே எதிர்க்கட்சியினரைத் தொடர்ந்து விமர்சிப்பது மட்டும்தான் என்று அமைச்சர் நிர்மல் குமார் மிகக் காட்டமாகச் சாடினார்.

இந்த காரசாரமான விவாதத்தின் முடிவில் குறுக்கிட்டுப் பேசிய சபாநாயகர் அப்பாவு, சட்டப்பூர்வ பதவி என்பதற்கும் ஒரு சாதாரண வாரியத் தலைவர் பதவி என்பதற்கும் இடையில் நிச்சயம் சட்டரீதியான பெரிய வித்தியாசம் உள்ளது என்று விளக்கினார். எனவே, சிறுபான்மையினர் ஆணையத் தலைவர் விவாதங்களில் பங்கேற்பது சட்டப்படி செல்லுமா என்பது குறித்து முழுமையாக ஆய்வு செய்து உரிய முடிவு எடுக்கப்படும் என்று கூறி சபாநாயகர் இந்த விவாதத்திற்கு முற்றுப்புள்ளி வைத்தார்.