“2014 டெல்லி பாணியில் தமிழகத்தில் மெகா ட்விஸ்ட்.. CM விஜய் ராஜினாமா செய்கிறார்.. ஆர்.பி.உதயகுமார் போட்ட வெடிகுண்டு.. அரசியலில் திடீர் பரபரப்பு..!!

டெல்லியில் கடந்த 2014-ஆம் ஆண்டு அரவிந்த் கெஜ்ரிவால் தனது முதல்வர் பதவியை ராஜினாமா செய்துவிட்டு தேர்தலை சந்தித்தது போல, தமிழகத்திலும் முதலமைச்சர் விஜய் தனது ஆட்சியை கலைத்துவிட்டு மறுதேர்தலுக்கு தயாராகி வருவதாக முன்னாள் அமைச்சர் ஆர்.பி.உதயகுமார் வெளியிட்டுள்ள வீடியோ பதிவு தமிழக அரசியல் களத்தில் புதிய அதிர்வலைகளை ஏற்படுத்தியுள்ளது. தற்போதைய சூழலில் கூட்டணி கட்சிகளின் தயவோ அல்லது இழுபறியோ இன்றி, தனிப்பெரும்பான்மையுடன் முழுமையான ஆட்சியை நடத்த முதலமைச்சர் விஜய் விரும்புவதாகவும், அதற்கான சாத்தியக்கூறுகள் குறித்து அவர் சட்ட வல்லுநர்களுடன் தீவிர ஆலோசனை நடத்தி வருவதாகவும் ஆர்.பி.உதயகுமார் அந்த வீடியோவில் குறிப்பிட்டுள்ளார்.

அதிமுகவின் முக்கிய நிர்வாகிகளில் ஒருவரான ஆர்.பி.உதயகுமார் வெளியிட்டுள்ள இந்த அதிரடித் தகவல், தமிழகத்தின் தற்போதைய அரசியல் சூழலில் பெரும் விவாதப் பொருளாக மாறியுள்ளது. தவெக அரசு அமைந்த சில காலங்களிலேயே ஆட்சியை கலைப்பது போன்ற முடிவுகள் எடுக்கப்படுமா என்ற கேள்விகள் ஒருபுறம் எழுந்தாலும், இந்த வீடியோவில் கூறப்பட்டுள்ள தகவல்கள் அரசியல் வட்டாரத்தில் பெரும் பரபரப்பை கிளப்பியுள்ளன. முதலமைச்சர் விஜய்யின் அடுத்தகட்ட நகர்வுகள் மற்றும் இந்த விவகாரம் தொடர்பாக தவெக தரப்பில் இருந்து வரப்போகும் அதிகாரப்பூர்வ விளக்கத்தை வைத்தே இந்த அரசியல் யூகங்களின் உண்மைத்தன்மையை அறிய முடியும்.