பகீர்!.. லிஃப்டுக்குள் புகுந்த வளர்ப்பு நாய்!.. மரண பயத்தில் அலறிய சிறுமிகள்.. கதவு மூடிய சில நொடிகளில் நடந்த பயங்கரம்.. நெஞ்சை பதறவைக்கும் சிசிடிவி காட்சி..!!

மும்பை மலாடு மேற்குப் பகுதியில் உள்ள ஒரு அடுக்குமாடி குடியிருப்பின் மின்தூக்கியில், வளர்ப்பு நாய் ஒன்று திடீரென ஆக்ரோஷமடைந்து அங்கிருந்த மூன்று சிறுமிகளைத் தாக்க முயன்ற சம்பவம் பெரும் பரபரப்பை ஏற்படுத்தியுள்ளது. இது தொடர்பான சிசிடிவி காட்சிகள் சமூக வலைதளங்களில் வெளியாகி வைரலாகி வருகின்றன. அந்த வீடியோவில், மூன்று சிறுமிகள் ஏற்கனவே மின்தூக்கியில் இருக்கும்போது, ஒரு பெண்மணி தனது வளர்ப்பு நாயுடன் உள்ளே நுழைகிறார். கதவுகள் மூடிய சில நொடிகளிலேயே அந்த நாய் திடீரென ஆக்ரோஷமாக மாறி, சிறுமிகளை நோக்கி பாய முயன்றதால் மின்தூக்கிக்குள் பயங்கரமான சூழல் ஏற்பட்டது.

A shocking incident unfolded inside the lift of the Sheth Irene high-rise tower in Malad West when a pet dog suddenly turned aggressive and allegedly tried to attack three young girls.

According to CCTV footage that has since gone viral on social media, a woman entered the lift… pic.twitter.com/nUy3jEqX0S— Hate Detector 🔍 (@HateDetectors) July 18, 2026

நாய் தொடர்ந்து சிறுமிகளை தாக்க முற்பட்டபோது, அதன் உரிமையாளர் அதை கட்டுப்படுத்த கடுமையாக போராடினார். மின்தூக்கியின் கதவுகள் திறந்ததும் ஒரு சிறுமி பயந்து வெளியே ஓட முயன்றார், அப்போதும் அந்த நாய் அவரைத் துரத்தப் பார்த்தது. நல்லவேளையாக, நாய் உரிமையாளர் அதை இழுத்துப் பிடித்ததால் பெரும் அசம்பாவிதம் தவிர்க்கப்பட்டது. இந்த சம்பவத்தில் யாருக்கும் பலத்த காயம் ஏற்படவில்லை என்றாலும், இந்த அதிர்ச்சிகரமான வீடியோ சமூக வலைதளங்களில் பரவி குடியிருப்புவாசிகளிடையே பெரும் கவலையை ஏற்படுத்தியுள்ளதுடன், பொது இடங்களில் வளர்ப்புப் பிராணிகளின் பாதுகாப்பு குறித்த விவாதங்களையும் மீண்டும் தூண்டியுள்ளது.