“நம்ம சென்னை கெத்துடா…!””நம்ம சென்னை கெத்துடா…!” அமெரிக்காவையே ஓரம் கட்டிய சிங்காரச் சென்னை…!”நியூயார்க்கில் கூட இது இல்லையே..” சென்னை மெட்ரோவை உலகமே திரும்பிப் பார்க்க வைத்த ஜப்பனீஸ் பெண்…!

சென்னையின் போக்குவரத்து நெரிசலுக்கு மிகச்சிறந்த தீர்வாக விளங்கி வரும் சென்னை மெட்ரோ ரயில் சேவை, தற்போது உலக அரங்கில் மிகப்பெரிய அங்கீகாரத்தைப் பெற்றுள்ளது. சென்னையின் பல்வேறு முக்கிய வழித்தடங்களை இணைத்து அதிவேகமாக இயக்கப்பட்டு வரும் மெட்ரோ ரயில்கள், மழை மற்றும் வெள்ளக் காலங்களிலும் தடையின்றி இயங்கி மக்களுக்குப் பெரிதும் கைகொடுத்து வருகின்றன. நாளுக்கு நாள் பயணிகளின் எண்ணிக்கை அதிகரித்து வரும் நிலையிலும், சென்னை மெட்ரோ ரயில் நிலையங்கள் சர்வதேச விமான நிலையங்களே பொறாமைப்படும் அளவிற்கு உலகத் தரத்துடனும், மிகத் தூய்மையாகவும் பராமரிக்கப்பட்டு வருவது குறிப்பிடத்தக்கது.

இந்த உள்கட்டமைப்பு வசதிகளைப் பாராட்டி, சென்னைக்கு வருகை தந்த ஜப்பானைச் சேர்ந்த பெண் பயணி ஒருவர் தனது எக்ஸ் (ட்விட்டர்) சமூக வலைத்தளப் பக்கத்தில் நெகிழ்ச்சியான பதிவு ஒன்றை வெளியிட்டுள்ளார். புதிய கிளாம்பாக்கம் பேருந்து நிலையத்தைப் பார்ப்பதற்காக சென்னை மெட்ரோவில் பயணித்த அவர், அங்குள்ள நவீன வசதிகளைப் பார்த்து வியந்துபோயுள்ளார். சென்னை மெட்ரோவில் உள்ள துல்லியமான ‘பிளாட்பாரம் ஸ்கிரீன் டோர்ஸ்’ (தானியங்கி பாதுகாப்பு கதவுகள்) மற்றும் மிகச்சிறப்பாக வேலை செய்யும் ஏசி வசதிகள் ஆகியவை உலகப் புகழ்பெற்ற அமெரிக்காவின் நியூயார்க் சப்வேயை விட ஒட்டுமொத்தமாகப் பல மடங்கு சிறப்பாக உள்ளதாக அவர் பெருமிதத்துடன் குறிப்பிட்டுள்ளார்.

அமெரிக்காவின் நியூயார்க் போன்ற பழமையான சப்வேக்களில் குப்பைகளும் அசுத்தமும் பெரும் சுகாதாரப் பிரச்சினையாக உருவெடுத்துள்ள நிலையில், சென்னையின் மெட்ரோ நிலையங்களும் ரயில்களும் எவ்விதக் கறைகளும் இன்றி பளிச்சென்று பராமரிக்கப்படுவதை அவர் வெகுவாகப் பாராட்டியுள்ளார். பயணிகளுக்கு வழிகாட்டும் நவீன டிஜிட்டல் திரைகள், குளிர்சாதன வசதி மற்றும் உலகத் தரத்திலான உள்கட்டமைப்பு ஆகியவை அந்த வெளிநாட்டுப் பயணிக்கு மிகுந்த திருப்தியை அளித்துள்ளன. மேலை நாடுகளின் உள்கட்டமைப்பை விட நமது சென்னை மெட்ரோ தூய்மையில் முதலிடத்தில் இருப்பது இந்த பதிவின் மூலம் நிரூபணமாகியுள்ளது.

வழக்கமாக இந்தியர்கள் வெளிநாடுகளுக்குச் செல்லும்போது அங்குள்ள வசதிகளைப் பார்த்து வியப்பதே வழக்கம். ஆனால், இன்று ஒரு வெளிநாட்டுப் பயணி “சிங்காரச் சென்னையின்” உள்கட்டமைப்பைப் பார்த்து வியந்து பாராட்டியிருப்பது ஒட்டுமொத்த தமிழக மக்களையும் பெருமிதத்தில் ஆழ்த்தியுள்ளது. சமூக வலைத்தளங்களில் இந்த செய்தி காட்டுத்தீயாய் பரவி வரும் வேளையில், இவ்வளவு பெரிய கட்டமைப்பைத் தினமும் அர்ப்பணிப்போடு சுத்தமாகப் பராமரித்து வரும் சென்னை மெட்ரோ நிர்வாகத்திற்கும், அதன் துப்புரவுப் பணியாளர்களுக்கும் பொதுமக்கள் தங்களது பாராட்டுகளையும் நன்றிகளையும் “சல்யூட்” அடித்துத் தெரிவித்து வருகின்றனர்.