BREAKING: பால் உற்பத்தியாளர்களுக்கு ஜாக்பாட்..! ஆவின் பால் கொள்முதல் விலை உயர்வு – 110 விதியின் கீழ் CM விஜய் அதிரடி அறிவிப்பு..!!

தமிழக ஆவின் பால் கூட்டுறவு சங்கங்களில் பால் கொள்முதல் விலையை லிட்டருக்கு ரூ.3 உயர்த்தி முதலமைச்சர் விஜய் சட்டமன்றத்தில் 110 விதியின் கீழ் அதிரடி அறிவிப்பை வெளியிட்டுள்ளார். இந்த புதிய அறிவிப்பின் மூலம், ஆவின் கூட்டுறவு சங்கங்கள் மூலமாக விவசாயிகளிடமிருந்து வாங்கப்படும் பாலின் விலை தற்போது நடைமுறையில் உள்ள ரூ.38-ல் இருந்து ரூ.41 ஆக உயர்கிறது. பால் உற்பத்தியாளர்களின் நீண்ட நாள் கோரிக்கையை ஏற்று, அவர்களின் பொருளாதார நலனைக் காக்கும் நோக்கில் இந்த முக்கிய முடிவை அரசு எடுத்துள்ளதாக முதலமைச்சர் குறிப்பிட்டுள்ளார்.

இந்தக் கொள்முதல் விலை உயர்வால் தமிழகம் முழுவதும் உள்ள லட்சக்கணக்கான பால் உற்பத்தி செய்யும் விவசாயிகள் மற்றும் கூட்டுறவு சங்க உறுப்பினர்கள் நேரடியாகப் பயனடைவார்கள் என எதிர்பார்க்கப்படுகிறது. தீவன விலை உயர்வு மற்றும் பராமரிப்புச் செலவுகள் அதிகரித்துள்ள சூழலில், முதலமைச்சர் விஜய்யின் இந்த அறிவிப்பு விவசாயிகளுக்குப் பெருமகிழ்ச்சியை ஏற்படுத்தியுள்ளது. அதேவேளையில், இந்த விலையேற்றத்தால் நுகர்வோருக்கான ஆவின் பால் விற்பனை விலையில் ஏதேனும் மாற்றங்கள் இருக்குமா என்பது குறித்த விவாதங்களும் தற்போது எழுந்துள்ளன.