அடக்கடவுளே..! விளையாடச் சென்ற இடத்தில் பயங்கரம்..! 5 அடி ஆழ திறந்த தொட்டிக்குள் விழுந்து 3 வயது மாசற்ற சிறுவன் பரிதாப மரணம்..!!

உத்தரப் பிரதேச மாநிலம் கான்பூரின் சகேரி பகுதியில், திறந்திருந்த 5 அடி ஆழமுள்ள தொட்டிக்குள் விழுந்து 3 வயது சிறுவன் பரிதாபமாக உயிரிழந்த சம்பவம் பெரும் சோகத்தை ஏற்படுத்தியுள்ளது. சகேரி காவல் எல்லைக்குட்பட்ட சனிகவா என்ற பகுதியில் திங்கள்கிழமை மாலை இந்தத் துயரமான விபத்து நிகழ்ந்தது. உயிரிழந்த சிறுவனின் பெயர் நிஹால் என்பதாகும்.

கூலித் தொழிலாளியான முகமது ரஃபீக் என்பவரின் மகனான நிஹால், திங்கள்கிழமை மாலை 4 மணியளவில் தனது வீட்டின் அருகே உள்ள தெருவில் மற்ற குழந்தைகளுடன் விளையாடிக் கொண்டிருந்தான். அப்போது, வீட்டிலிருந்து சுமார் 30 மீட்டர் தொலைவில் அமைந்துள்ள வாகன சேவை மையத்தின் பாதுகாப்பு வசதிகள் இல்லாத திறந்தநிலைத் தொட்டிக்குள் எதிர்பாராதவிதமாக சிறுவன் தவறி விழுந்துள்ளான். சிறுவன் நீண்ட நேரமாகியும் வீடு திரும்பாததால் பதற்றமடைந்த பெற்றோர் அவனைக் தேடத் தொடங்கிய நிலையில், சுமார் ஒன்றரை மணி நேரத்திற்குப் பிறகே அவன் தொட்டிக்குள் விழுந்தது தெரியவந்தது.

இதையடுத்து, சம்பவ இடத்திற்கு விரைந்த உறவினர்களும் அப்பகுதி மக்களும் சிறுவனை மீட்டு உடனடியாக மருத்துவமனைக்குக் கொண்டு சென்றனர்; ஆனால், செல்லும் வழியிலேயே அச்சிறுவன் பரிதாபமாக உயிரிழந்தான். இச்சம்பவம் குறித்துத் தகவலறிந்து வந்த சகேரி போலீசார் உடற்கூராய்வு மற்றும் அடுத்தகட்ட சட்ட நடவடிக்கைகள் குறித்துப் பெற்றோரிடம் பேச்சுவார்த்தை நடத்தி வருகின்றனர். குடியிருப்புப் பகுதிகளில் உள்ள வணிக வளாகங்களில் ஆபத்தான முறையில் திறந்திருக்கும் இதுபோன்ற தொட்டிகளின் பாதுகாப்பு குறித்து இந்த விபத்து பெரும் கேள்விகளை எழுப்பியுள்ளது.