“பாத்திரம் கழுவ எவ்வளவு சம்பளம்..? கோபப்படல… ஆனா கொடுத்தாங்க பாரு ஒரு பதிலடி..!” கிண்டல் செய்த நபரின் வாயை அடைத்த இந்தியப் பெண்.. இன்ஸ்டாகிராமில் வைரலாகும் மாஸ் வீடியோ!

சமூக ஊடகங்களில் பரப்பப்படும் ஏளனமான கருத்துகளுக்கு கோபப்படாமல், சாதுரியமாக பதிலளிப்பது அனைவருக்கும் சாத்தியமாவதில்லை. ஜார்க்கண்டைச் சேர்ந்தவரும் கனடாவின் டொராண்டோவில் பணிபுரிபவருமான ரேச்சல் என்பவரிடம், இன்ஸ்டாகிராமில் நபர் ஒருவர் “டொராண்டோவில் பாத்திரம் கழுவ எவ்வளவு சம்பளம் கிடைக்கும்?” என கிண்டலாகக் கேட்டுள்ளார். இதற்கு கோபப்படாமல் ஒரு சுவாரஸ்யமான வீடியோ மூலம் பதிலளித்த ரேச்சல், தனது காலைப் பயணம் முதல் பெரு நிறுவன அலுவலகத்தில் மேஜைக் கணினிகளுக்கு இடையே பணிபுரிவது வரை காண்பித்துள்ளார். இடைவேளையில் சக ஊழியர்களுடன் உணவருந்தி, நகரத்தின் எழில்மிகு காட்சிகளையும் காட்டி, இறுதியாகத் தான் குடித்த காபி கோப்பையைக் கழுவுவதற்காகச் செல்வதைப் புன்னகையோடு பதிவிட்டுள்ளார்.

https://www.instagram.com/reel/Dbr8APau2w0/?utm_source=ig_embed&ig_rid=AtKXzq2RiDBc7gbIGEgk1w2

எந்தவொரு தகாத வார்த்தைகளோ அல்லது வாக்குவாதங்களோ இன்றி, மிக நேர்த்தியான நகைச்சுவை உணர்வுடனும் தகுந்த சான்றுகளுடனும் அவர் அளித்த இந்தப் பதிலடி இணையத்தில் வைரலாகி வருகிறது. ரேச்சலின் இந்தச் சாதுரியமான அணுகுமுறையையும் சுயமரியாதையையும் நெட்டிசன்கள் வெகுவாகப் பாராட்டி வருகின்றனர். பிறர் செய்யும் கேலிகளைப் பொருட்படுத்தாமல், வெளிநாட்டில் தனக்கான அடையாளத்தை உருவாக்கி வாழும் அவரது தைரியத்தையும், குறுகிய மனப்பான்மை கொண்டவர்களுக்கு அவர் வழங்கிய நளினமான பதிலடியையும் பலரும் கருத்துப் பகுதியில் போற்றிப் பகிர்ந்து வருகின்றனர்.