“10th, 12th இனிமேல் ‘ஃபெயில்’ கிடையாது” மாணவர்களின் மார்க் ஷீட்டில் அதிரடி மாற்றம் செய்த அரசு… நாடு முழுதும் குவியும் பாராட்டு..!!

பீகார் மாநிலத்தில் 10 மற்றும் 12-ம் வகுப்பு பொதுத்தேர்வில் தேர்ச்சி பெறாத மாணவர்களின் மதிப்பெண் சான்றிதழில் இனி ‘ஃபெயில்’ (Fail) என்று குறிப்பிடப்படாது என்றும், அதற்குப் பதிலாக ‘திறன் மேம்பாட்டு பயிற்சிக்கு தகுதியானவர்’ (Eligible for Skill Development Training) என்று அச்சிடப்படும் என்றும் அம்மாநில கல்வி அமைச்சர் மிதிலேஷ் திவாரி அறிவித்துள்ளார். மாணவர்களின் மன அழுத்தத்தைக் குறைக்கவும், தோல்வி என்ற உணர்வை மாற்றவும் இந்த அதிரடி நடவடிக்கை எடுக்கப்பட்டுள்ளது. இதன் மூலம், தேர்ச்சி பெறாத மாணவர்கள் தொழிற்பயிற்சி (Vocational) படிப்புகளைத் தொடர்ந்து பயின்று தங்களது எதிர்காலத்தை வளப்படுத்திக் கொள்ள ஒரு சிறந்த வாய்ப்பு உருவாக்கப்பட்டுள்ளது.

மேலும், பொதுத்தேர்வில் தோல்வியடைந்து துணைத் தேர்வு (Supplementary Exam) எழுதவிருக்கும் மாணவர்களின் நலனைக் கருத்தில் கொண்டு, அவர்களுக்கு ஒரு மாத காலத்திற்குச் சிறப்பு வகுப்புகள் (Special Classes) நடத்தப்பட உள்ளதாகவும் கல்வி அமைச்சர் தெரிவித்துள்ளார். அரசின் இந்த முற்போக்கான கல்விச் சீர்திருத்தம், மாணவர்கள் படிப்பைப் பாதியில் கைவிடுவதைத் தடுத்து, அவர்களை அடுத்தகட்ட வேலைவாய்ப்புத் திறன்களை நோக்கி வழிநடத்தப் பெரிதும் உதவும் எனப் பாராட்டுகள் குவிந்து வருகின்றன.