“பெற்றோரை நல்லா பார்த்துக்கோ..” அக்காவுக்கு உருக்கமான அனுப்பிய கடைசி மெசேஜ்.. 17 வயது சிறுவன் எடுத்த விபரீத முடிவு.. திடுக்கிடவைக்கும் பின்னணி..!!

மகாராஷ்டிர மாநிலம் ஜல்கான் பகுதியில், 17 வயதான பிளஸ் 11 மாணவன் ரோஹித் சாகேப்ராவ் தங்கர் கள்ளமில்லா ரக்ஷா பந்தன் பண்டிகை நாளன்று தற்கொலை செய்து கொண்ட அதிர்ச்சியூட்டும் சோகச் சம்பவம் அரங்கேறியுள்ளது. தனது தந்தையுடன் அக்கா வீட்டிற்குச் சென்று ராகி கட்டிக் கொண்ட ரோஹித், அதன் பிறகு வீட்டிற்குப் புறப்பட்டுள்ளார். வீட்டிற்கு வந்தவன், இன்ஸ்டாகிராமில் அக்காவுடன் இருக்கும் புகைப்படத்தைப் பதிவிட்டு, “பெற்றோரை நன்றாகப் பார்த்துக் கொள், அவர்களை ஒருபோதும் தனியாக விட்டுவிடாதே” என்றும், “அடுத்த முறை நான் திரும்பி வரும்போது, எல்லாரும் விரும்பும் நபராக வருவேன்” என்றும் உருக்கமான இறுதிச் செய்திகளைப் பதிவிட்டுவிட்டுத் தூக்கிட்டுள்ளார்.

மேலும், ஆன்லைன் கேம் விளையாடியதில் பணம் முழுவதையும் இழந்துவிட்டதாகக் கூறி தனது நண்பர் ஒருவருக்கு வீடியோ செய்தியையும் ரோஹித் அனுப்பியுள்ளார். இந்தச் செய்தியைப் பார்த்து அதிர்ச்சியடைந்த அவனது நண்பர்கள் உடனடியாக அவனது வீட்டிற்கு விரைந்த போதிலும், அதற்குள் காலம் கடந்துவிட்டது. உடனடியாக ஜல்கான் அரசு மருத்துவக் கல்லூரி மருத்துவமனைக்குக் கொண்டு செல்லப்பட்ட அவரைப் பரிசோதித்த மருத்துவர்கள், அவர் ஏற்கனவே இறந்துவிட்டதாகத் தெரிவித்தனர். தற்போது ஷனிபெத் காவல் துறையினர் இது குறித்து விபத்து மரண வழக்காகப் பதிவு செய்து, அவனது சமூக வலைத்தளப் பதிவுகள் மற்றும் செய்திகளை அடிப்படையாகக் கொண்டு தீவிர விசாரணை நடத்தி வருகின்றனர்.