ஐயோ கடவுளே.. கிராம பஞ்சாயத்து ஆபீஸிற்குள் புகுந்த மெம்பர்.. ஊழியரை ஓட ஓட விரட்டி அடித்த கொடூரம்… பரபரக்கும் வீடியோ பின்னணி..!!

கர்நாடக மாநிலம் பீதர் மாவட்டம் ஔரத் தாலுகாவில் உள்ள கூடபள்ளி கிராம பஞ்சாயத்து அலுவலகத்தில், தரவு உள்ளீட்டாளர் ஒருவர் கிராம பஞ்சாயத்து உறுப்பினரால் தாக்கப்பட்டதாகக் கூறப்படும் சம்பவம் அரசு ஊழியர்களிடையே பெரும் அதிர்ச்சியை ஏற்படுத்தியுள்ளது. பஞ்சாயத்து அலுவலகத்தில் சகாதேவா என்ற ஊழியர் தனது பணியில் இருந்தபோது, உள்ளே நுழைந்த அந்தப் பஞ்சாயத்து உறுப்பினர், தனிப்பட்ட விரோதம் காரணமாக அவருடன் வாக்குவாதத்தில் ஈடுபட்டு அவரைத் தாக்கியுள்ளார். இந்தச் சம்பவத்தைக் கண்டித்து, சம்பந்தப்பட்ட நபர் மீது உடனடியாக முதல் தகவல் அறிக்கைபதிவு செய்து கடுமையான சட்ட நடவடிக்கை எடுக்க வேண்டும் என்று கிராம பஞ்சாயத்து அதிகாரிகள் மற்றும் பணியாளர்கள் கோரிக்கை விடுத்துள்ளனர். இந்தச் சம்பவம் சிந்தகி காவல் நிலைய எல்லைக்குட்பட்ட பகுதியில் நடந்துள்ளது.

இதற்கிடையில், கிராம பஞ்சாயத்து அலுவலகத்தில் ஊழியர் ஒருவர் தாக்கப்படும் பழைய வீடியோ ஒன்று, இந்த கூடபள்ளி சம்பவத்தின் நேரடித் காட்சி என்ற தவறான தகவலுடன் சமூக வலைத்தளங்களில் வேகமாகப் பரவி குழப்பத்தை ஏற்படுத்தி வருகிறது. இது குறித்து விளக்கம் அளித்துள்ள அரசு அதிகாரிகள், தற்போது வைரலாகி வரும் அந்த வீடியோ சுமார் ஒரு வருடத்திற்கு முன்பு வேறு ஒரு இடத்தில் நடந்த சம்பவத்தின் காட்சி என்றும், தற்போதைய கூடபள்ளி தாக்குதல் சம்பவத்திற்கும் அதற்கும் எந்தவிதத் தொடர்பும் இல்லை என்றும் திட்டவட்டமாகத் தெளிவுபடுத்தியுள்ளனர். தற்போதைய புதிய விபரம் மற்றும் போலீஸ் புகாரின் அடுத்தகட்ட நடவடிக்கைகள் குறித்த கூடுதல் தகவல்கள் இன்னும் எதிர்பார்க்கப்படுகின்றன.