“அப்படிப்போடு..! பெண்ணின் தலைமுடியைப் பிடித்து இழுத்து அராஜகம் செய்த சீருடை அரக்கன்.. வைரல் வீடியோவால் பாய்ந்த மரண மாஸ் ஆக்ஷன்..!!

ஹைதராபாத் ஹபீஸ்பேட் ரயில் நிலையத்தில் கடைக்கு அருகே நின்றிருந்த பெண்ணை இரக்கமின்றித் தாக்கி, அவரது தலைமுடியைப் பிடித்துத் தரதரவென இழுத்துச் சென்ற ஊர்க்காவல் படை காவலர் ஆனந்த் என்பவரை மியாப்பூர் போலீஸார் அதிரடியாகக் கைது செய்துள்ளனர். இந்த மனிதாபிமானமற்ற கொடூரத் தாக்குதல் சம்பவம் அங்கிருந்தவர்களால் வீடியோவாகப் பதிவு செய்யப்பட்டு, சமூக வலைத்தளங்களில் வெளியாகிப் பொதுமக்களிடையே கடுமையான கொந்தளிப்பையும் கண்டனங்களையும் ஏற்படுத்தியது. பெண்ணின் கணவர் எவ்வளவோ கெஞ்சியும், அரக்கனைப் போல அராஜகம் செய்த அந்த சீருடைப் பணியாளரின் வீடியோ ஆதாரங்கள் இணையத்தில் தீயாய் பரவியதை அடுத்து, ரயில்வே மற்றும் காவல்துறையின் உயர் அதிகாரிகள் இந்த விவகாரத்தில் உடனடி நடவடிக்கை எடுக்க உத்தரவிட்டனர்.

அதன்பேரில், இந்த விவகாரத்தைக் கையில் எடுத்த மியாப்பூர் போலீஸார், சம்பவத்திற்கு காரணமான ஊர்க்காவல் படை காவலர் ஆனந்த் மீது அதிகாரப்பூர்வமாக வழக்குப் பதிவு செய்து, அவரை உடனடியாகக் கைது செய்து சிறையில் அடைத்துள்ளனர். சட்டம் ஒழுங்கைப் பாதுகாக்க வேண்டிய காவலரே ஒரு பெண்ணிடம் பொது இடத்தில் மிகக் கொடூரமாக வன்முறையைக் கையாண்ட இந்தச் சம்பவம் ஹைதராபாத்தில் பெரும் பரபரப்பை ஏற்படுத்திய நிலையில், அவரது இந்த அநாகரிகமான நடத்தைக்காகத் துறை ரீதியான கடுமையான ஒழுங்கு நடவடிக்கைகளும் அவர் மீது பாய்ந்துள்ளன.