“என் மனைவியுடன் கள்ளத்தொடர்பா..?” 2 ஆண்டுகால ஆத்திரம்.. பழைய நண்பனை கொடூரமாக தீர்த்துக்கட்டிய கணவன்.. நெஞ்சை பதறவைக்கும் பின்னணி..!!

கர்நாடக மாநிலம் சிக்பள்ளாப்பூர் மாவட்டம் பாகேபல்லி தாலுகாவில், கடந்த செப்டம்பர் 9-ஆம் தேதி கத்தமவாரப்பள்ளி கிராமத்தில் உள்ள ஜே.கே.என். ஒயின்ஸ் மதுக்கடையில் ஆர். நாகராஜு (42) என்ற நபர் மது அருந்திக் கொண்டிருந்தபோது படுகொலை செய்யப்பட்டார். தலைக்கவசம் அணிந்து அங்கு வந்த ஆதிநாராயணா என்ற நபர், நாகராஜுவை ஒரு கூர்மையான ஆயுதத்தால் கழுத்தில் கொடூரமாகத் தாக்கியுள்ளார். இதில் பலத்த காயமடைந்து அதிக இரத்தப்போக்கு ஏற்பட்டதால் நாகராஜு சம்பவ இடத்திலேயே பரிதாபமாக உயிரிழந்தார். இந்தச் சம்பவம் குறித்துப் பலியானவரின் மனைவி கே.சி. மணியம்மா கொடுத்த புகாரின் பேரில், பாகேபல்லி காவல்துறையினர் தீவிர விசாரணை நடத்தி செப்டம்பர் 14 அன்று மாலை சிக்பள்ளாப்பூர் தனியார் பேருந்து நிலையத்தில் வைத்து தலைமறைவாக இருந்த ஆதிநாராயணாவைக் கைது செய்தனர்.

காவல்துறையின் முதற்கட்ட விசாரணையில், நாகராஜுவும் ஆதிநாராயணாவும் முன்னதாக ஒரே பகுதியில் வசித்து வந்த பழைய நண்பர்கள் என்பது தெரியவந்தது. தன் மனைவியுடன் நாகராஜுவுக்குக் கள்ளத்தொடர்பு இருப்பதாக ஆதிநாராயணா சந்தேகப்பட்டதால் இரு குடும்பங்களுக்கும் இடையே கடந்த இரண்டு ஆண்டுகளாகத் தொடர்ந்து மோதல் நீடித்து வந்துள்ளது. இதனால் இரு குடும்பங்களும் வெவ்வேறு இடங்களுக்குக் குடிபெயர்ந்த போதிலும் இந்தத் தகராறு ஓய்ந்தபாடில்லை. மாவட்டக் காவல் கண்காணிப்பாளர் பத்மினி சாகு இதுகுறித்துக் கூறுகையில், தன் மனைவியுடனான கள்ளத்தொடர்பு ஆத்திரத்திலேயே இந்தத் திட்டமிட்ட கொலையைச் செய்ததாகக் குற்றவாளி ஒப்புக்கொண்டதாகத் தெரிவித்தார். இதையடுத்து நீதிமன்றத்தில் ஆஜர்படுத்தப்பட்ட குற்றவாளி ஆதிநாராயணா தற்காப்புக் காவலில் வைக்கப்பட்டுள்ளார்.