உச்சகட்ட கொடூரம்.. இன்னொரு பெண்ணுடன் மாட்டிய காதலன்.. தட்டிக்கேட்ட காதலிக்கு நேர்ந்த விபரீதம்.. நெட்டிசன்களை கொந்தளிக்க வைத்த வீடியோ..!!

உத்தரப் பிரதேச மாநிலத் தலைநகர் லக்னோவின் கோமதி நகர், ஜனேஷ்வர் மிஸ்ரா பூங்கா அருகே கள்ளக்காதலன் மற்றொரு பெண்ணுடன் இருப்பதைக் கண்டு பிடித்த பெண்ணை, காரை ஏற்றி கொல்ல முயன்ற அதிர்ச்சிச் சம்பவம் நடந்துள்ளது. அனாமிகா என்ற பெண் அந்தப் பகுதியில் டீ குடித்துக் கொண்டிருந்தபோது, அவரது காதலன் ஷா நவாஸ் மற்றொரு பெண்ணுடன் அங்கு வந்துள்ளார். காதலில் நேர்ந்த இந்தத் துரோகத்தைக் கண்டு அனாமிகா சண்டையிட்டதை அடுத்து, இருவருக்கும் இடையே கடுமையான வாக்குவாதம் வெடித்துள்ளது. இதில் ஆத்திரமடைந்த ஷா நவாஸ், தன் தவறுக்கு மன்னிப்பு கேட்பதற்குப் பதிலாக, அனாமிகாவைத் தனது காரை ஏற்றி நசுக்கிக் கொல்ல முயன்றுள்ளார். இந்தத் தாக்குதலில் அனாமிகா மயிரிழையில் உயிர் தப்பிய நெஞ்சைப் பதறவைக்கும் காட்சி அங்கிருந்த கேமராவில் பதிவாகியுள்ளது.

சமூக வலைத்தளங்களில் வைரலாகி வரும் இந்த வீடியோ, இன்றைய காலகட்டக் காதலின் கோர முகத்தையும், மனிதர்களின் ஆபத்தான மனநிலையையும் வெளிச்சம் போட்டுக் காட்டியுள்ளது. காதலில் துரோகம் செய்வது ஒருபுறமிருக்க, உண்மை வெளிச்சத்திற்கு வந்தவுடன் சற்றும் பயமின்றி ஒரு உயிரைப் பறிக்கத் துணியும் அளவுக்கு மனிதர்களின் கோபமும் வன்மமும் ஏழாம் வானத்திற்குச் சென்றுள்ளது. உறவுகளில் விசுவாசம் மறைந்து, ஆத்திரத்தின் காரணமாகக் கொலை செய்யக்கூடத் துணியும் இந்த அவல நிலை, அது உண்மையான காதல் தானா என்ற பெரிய கேள்வியை எழுப்பியுள்ளது. இந்தத் துரோகத்தின் உச்சமாக அரங்கேறியுள்ள கார் விபத்துச் சம்பவம் லக்னோ பகுதியில் பெரும் பரபரப்பை ஏற்படுத்தியுள்ளது.