ஐயோ பாவம்.. திருமணமாகி 7 மாதங்களே ஆன புதுமாப்பிள்ளை… பைக்கில் சென்றபோது நடுரோட்டில் நேர்ந்த பயங்கரம்.. நெஞ்சை உலுக்கும் சம்பவம்..!!

திருச்சி மாவட்டம் மண்ணச்சநல்லூர் புறவழிச்சாலையில் பலத்த இடி, மின்னலுடன் கூடிய கனமழை பெய்தது. அப்போது பைக்கில் சென்று கொண்டிருந்த புதுமாப்பிள்ளை ஒருவர் மின்னல் தாக்கி சம்பவ இடத்திலேயே பரிதாபமாக உயிரிழந்தார். திருச்சி மண்ணச்சநல்லூர் அருகே உள்ள அய்யம்பாளையம் கிராமத்தைச் சேர்ந்த கார்த்திக் (32) என்ற அந்த இளைஞருக்குத் திருமணம் முடிந்து வெறும் 7 மாதங்களே ஆகின்றன. நேற்று அவர் தனது இருசக்கர வாகனத்தில் வீட்டிற்குத் திரும்பிக் கொண்டிருந்தபோது இந்த எதிர்பாராத இயற்கை பேரிடர் விபரீதம் நிகழ்ந்துள்ளது.

மின்னல் தாக்கிய அதீத வேகத்தில் கார்த்திக் சம்பவ இடத்திலேயே துடிதுடித்து உயிரிழந்தார். இச்சம்பவம் குறித்துத் தகவல் அறிந்து விரைந்து வந்த போலீஸார், கார்த்திக்கின் உடலை மீட்டுப் பிரேதப் பரிசோதனைக்காக அரசு மருத்துவமனைக்கு அனுப்பி வைத்தனர். மேலும், இச்சம்பவம் குறித்து வழக்குப் பதிவு செய்து போலீஸார் விசாரணை நடத்தி வருகின்றனர். திருமணம் முடிந்த சில மாதங்களிலேயே இளைஞர் கார்த்திக் மின்னல் தாக்கி பலியான சம்பவம் அய்யம்பாளையம் கிராம மக்கள் மத்தியிலும் அவரது குடும்பத்தினரிடையேயும் மீளாத் துயரத்தையும் பெரும் சோகத்தையும் ஏற்படுத்தியுள்ளது.