“பாஜக-ன்னு சொல்லவே முதலமைச்சருக்கு தைரியம் இல்லை” ஒரு தடவையாவது சொல்லி இருக்காரா..? உதயநிதி ஸ்டாலின் கடும் தாக்கு..!!

மேகதாது அணை விவகாரத்தை முன்னிறுத்தி, தஞ்சாவூரில் திமுக சார்பில் எதிர்க்கட்சித் தலைவர் உதயநிதி ஸ்டாலின் தலைமையில் இன்று கண்டன ஆர்ப்பாட்டம் மிக பிரம்மாண்டமாக நடைபெற்றது. இந்த ஆர்ப்பாட்டத்தில் காவிரி நீர் உரிமையைப் பாதுகாக்கத் தவறிய தமிழக அரசுக்கு எதிராகவும், டெல்டா விவசாயிகளின் வாழ்வாதாரத்தை உறுதி செய்யக் கோரியும் திமுகவினர் திரளாகக் கலந்து கொண்டு முழக்கங்களை எழுப்பினர்.

ஆர்ப்பாட்டத்தில் மேடையிற்றிப் பேசிய உதயநிதி ஸ்டாலின், தமிழக முதலமைச்சரின் செயல்பாடுகளைக் கடுமையாகச் சாடினார். அப்போது, “பாஜக என்று உச்சரிக்கவே முதலமைச்சருக்குத் தைரியம் இல்லை; ஆட்சிக்கு வந்த இத்தனை நாட்களாகியும் ஒருமுறைகூட அவர் பாஜக எனக் கூறவில்லை” என்று மிகக் காட்டமாக விமர்சித்தார். மத்திய அரசுக்கு அஞ்சி தமிழக அரசு நடுங்குவதாக அவர் குற்றம் சாட்டினார்.

மேலும், மேகதாது அணை விவகாரத்தில் தமிழகத்தின் நீர் உரிமையைப் பாதுகாக்க மாநில அரசு உடனடியாகவும், உறுதியாகவும் ஒரு நிலைப்பாட்டை எடுக்க வேண்டும் என்று அவர் வலியுறுத்தினார். விவசாயிகளின் வேதனைகளைப் புரிந்து கொள்ளாமல் மெத்தனப் போக்கில் இருக்கும் அரசிற்கு எதிராக இந்த ஆர்ப்பாட்டம் தஞ்சை பகுதியில் பெரும் அரசியல் பரபரப்பை ஏற்படுத்தியுள்ளது.