“ரூ.1,70,000-க்கு சரக்கடிச்சிட்டு பில் கட்டாம தப்ப முயன்ற இளம்பெண்..!” பார் ஊழியர் செய்த அதிரடி காரியம்… தாய்லாந்தில் வெடித்த மாபெரும் பூகம்பம்..!!!

தாய்லாந்து நாட்டின் தலைநகர் பாங்காக்கில் உள்ள ஒரு பிரபலமான மதுபான விடுதியில், சுமார் 1,70,000 ரூபாய் அளவிற்கு மது அருந்திவிட்டுப் பணம் செலுத்தாமல் ஏமாற்ற முயன்ற 18 வயது இளம் பெண்ணுக்குப் பார் ஊழியர் ஒருவர் மொட்டை அடித்த அதிரடிச் சம்பவம் உலக அளவில் மாபெரும் விவாதத்தைக் கிளப்பியுள்ளது. அந்தப் பெண் போலி அடையாள அட்டையைப் பயன்படுத்தி அந்த விடுதிக்குள் நுழைந்ததோடு, அங்கு பணிபுரியும் ஆண் ஊழியர்களுக்குச் சுமார் 200-க்கும் மேற்பட்ட மதுபானங்களை ஆர்டர் செய்து பெரும் பில் தொகையை வைத்துள்ளார். இறுதியாகக் கட்டணம் செலுத்தப் பணம் இல்லை என்று அவர் கூறியதால் ஆத்திரமடைந்த விடுதி ஊழியர்கள், அவரை இரவு முழுவதும் சிறைபிடித்து வைத்ததோடு அவரது குடும்பத்தினரையும் தொடர்பு கொள்ள முயன்றுள்ளனர்.

குடும்பத்தினரிடம் இருந்தும் பணம் கிடைக்காததால், விடுதி மேலாளர் மற்றும் ஊழியர்கள் அந்தப் பெண்ணை ஒரு ‘கூந்தல் விற்பனை ஒப்பந்தத்தில்’ வலுக்கட்டாயமாக கையெழுத்திட வைத்துள்ளனர். அதன்படி, அவரது தலைமுடியை 3,000 பாட் மதிப்பிற்கு விற்றுப் பகுதி கடனை ஈடுகட்டுவதாகக் கூறி, பார் ஊழியர் ஒருவர் எலக்ட்ரிக் கிளிப்பர் இயந்திரத்தைக் கொண்டு அந்த இளம் பெண்ணின் தலையை முழுமையாக மொட்டை அடித்துள்ளார். இந்தத் தண்டனைக்குப் பின் அவர் காவல் நிலையத்தில் ஒப்படைக்கப்பட்ட நிலையில், தற்பொழுது இச்சம்பவம் தொடர்பாக அந்நாட்டின் சமூக மேம்பாட்டு அமைச்சகம் மற்றும் காவல்துறையினர் தீவிர விசாரணை நடத்தி வருகின்றனர்.