“ஏற்கனவே எச்சரித்தும் கேட்காத அதிகாரிகள்.. 14 வயது சிறுமி துடிதுடித்து மரணம்.. மொராதாபாத்தில் அரங்கேறிய பயங்கரம் சம்பவம்”..!!!

உத்தரப் பிரதேச மாநிலம் மொராதாபாத் மாவட்டம் கட்ஹர் காவல் நிலைய எல்லைக்குட்பட்ட பைன்சியா கிராமத்தில், திங்கள்கிழமை நள்ளிரவு 11,000 வோல்ட் உயர் அழுத்த மின்சாரக் கம்பி அறுந்து விழுந்ததில் 14 வயது சிறுமி பரிதாபமாக உயிரிழந்தார். மற்றொரு சிறுமி படுகாயமடைந்தார். உயிரிழந்த சிறுமி அலியா என அடையாளம் காணப்பட்டுள்ளார். காயமடைந்த ரெய்மீன் என்ற சிறுமிக்கு உள்ளூர் மருத்துவமனையில் தீவிர சிகிச்சை அளிக்கப்பட்டு வருகிறது.

சம்பவத்தன்று இரவு அலியாவும் ரெய்மீனும் அருகில் உள்ள ஒரு கடைக்கு நடந்து சென்று கொண்டிருந்தனர். அப்போது, எதிர்பாராதவிதமாக மின்சாரக் கம்பி திடீரென அறுந்து அவர்கள் மீது விழுந்தது. இதில் இருவர் மீதும் மின்சாரம் பாய்ந்து தூக்கி வீசப்பட்டனர். இதைக் கண்டு அதிர்ச்சியடைந்த உள்ளூர் மக்கள், உடனடியாக இருவரையும் மீட்டு மருத்துவமனைக்குக் கொண்டு சென்றனர். அங்கு அலியாவைச் சோதித்த மருத்துவர்கள் அவர் ஏற்கனவே இறந்துவிட்டதாகத் தெரிவித்தனர்.

இதேபோன்ற மின் விபத்து இந்தப் பகுதியில் ஏற்கனவே ஒருமுறை நடந்துள்ளதாகப் பாதிக்கப்பட்ட குடும்பத்தினர் குற்றம் சாட்டியுள்ளனர். ஆபத்து குறித்து முன்கூட்டியே தெரிந்திருந்தும், மின்சாரத் துறை எந்தப் பராமரிப்புப் பணியையும் மேற்கொள்ளவில்லை என்று அவர்கள் பகிரங்கமாகச் சாடியுள்ளனர். மின்சாரத் துறையின் இந்த அலட்சியமே சிறுமியின் மரணத்திற்குக் காரணம் எனக் கூறி, சம்பந்தப்பட்ட அதிகாரிகள் மீது கடும் நடவடிக்கை எடுக்கவும், குடும்பத்திற்கு உரிய இழப்பீடு வழங்கவும் பொதுமக்கள் வலியுறுத்தியுள்ளனர். இதுகுறித்து போலீசார் வழக்குப் பதிவு செய்து விசாரணையைத் தொடங்கியுள்ளனர்.