“எமனுக்கு மருமகனா இருப்பாரோ” இது வீரமா..? இல்ல பைத்தியக்காரத்தனமா..?ஓடும் மின்சார ஸ்கூட்டரில் கால்களை மடக்கி அமர்ந்து ஸ்டண்ட்.. இணையத்தில் வைரலாகும் பகீர் வீடியோ..!!

உத்தரப் பிரதேச மாநிலம் லக்னோவில், நகரின் பரபரப்பான கோமதி நகர் பகுதியில் நடுத்தர வயது நபர் ஒருவர் இயங்கி வரும் மின்சார ஸ்கூட்டரின் ஹேண்டில்பாரில் இருந்து கைகளை முழுமையாக எடுத்துவிட்டு, கால்களை மடக்கி அமர்ந்தபடி ஆபத்தான முறையில் சாகசம் செய்த வீடியோ சமூக வலைத்தளங்களில் வைரலாகி அதிர்ச்சியை ஏற்படுத்தியுள்ளது. இன்ஸ்டாகிராம் மற்றும் எக்ஸ் தளங்களில் ‘dailyupdates_ind’ போன்ற பக்கங்களால் பகிரப்பட்ட இந்த வீடியோவில், “இவர் பாப்பாவின் தேவதை அல்ல, எமதர்மனின் மருமகன்; இது வீரமா அல்லது பைத்தியக்காரத்தனமா?” என்ற வாசகத்துடன் இந்த ஆபத்தான செயல் சாடப்பட்டுள்ளது.

அந்த நபர் தனது மின்சார ஸ்கூட்டரில் ‘க்ரூஸ் கன்ட்ரோல் வசதியைப் பயன்படுத்தி, வாகனத்தின் வேகத்தை ஒரு குறிப்பிட்ட அளவில் நிலைநிறுத்திவிட்டு இந்த ஆபத்தான சாகசத்தில் ஈடுபட்டுள்ளார். சுமார் 60 கி.மீ வேகத்தில் சென்ற அந்த ஸ்கூட்டரில் எவ்வித பதிவு எண் பலகையும் பொருத்தப்படவில்லை என்பதுடன், அவர் எந்தவொரு பாதுகாப்பு கவசமும் அணியாமல் பிற வாகனங்களுக்கு நடுவே அலட்சியமாகச் சென்றுள்ளார். இந்த அலட்சியமான வீடியோ இணையத்தில் வைரலாகி பொதுமக்களிடையே பெரும் கொந்தளிப்பை ஏற்படுத்தியதைத் தொடர்ந்து, லக்னோ நகரப் போக்குவரத்துப் போலீஸார் உடனடியாகச் செயல்பட்டு அந்த ஸ்கூட்டரைப் பறிமுதல் செய்து, அதன் பதிவை ரத்து செய்வதற்கான சட்டப்பூர்வ நடவடிக்கைகளைத் தொடங்கியுள்ளனர்.