“இதுதான் நீங்க கத்துக்கொடுத்த லட்சணமா…?” தூங்கிய நாயை கல் வீசித் தாக்கிய சிறுவன்..! சோஷியல் மீடியாவில் புயலைக் கிளப்பிய ‘பேரண்டிங்’ விவாதம்..!!

டெல்லி கேனாட் பிளேஸ் பகுதியில் தூங்கிக் கொண்டிருந்த ஒரு தெரு நாய் மீது சிறுவன் ஒருவன் கல்லை எறியும் வீடியோ சமூக வலைதளங்களில் வெளியாகி வைரலாகி வருகிறது. எந்தவித தூண்டுதலும் இன்றி, அமைதியாக உறங்கிக் கொண்டிருந்த நாயைத் தாக்கிய அந்தச் சிறுவனின் செயல் பலரையும் அதிர்ச்சியடையச் செய்துள்ளது. இந்தச் சம்பவம் விலங்கு நல ஆர்வலர்கள் மற்றும் இணையவாசிகளிடையே கடும் கொந்தளிப்பை ஏற்படுத்தியுள்ளது.

இந்த வீடியோவை அடிப்படையாகக் கொண்டு, பெற்றோர் வளர்ப்பு முறை குறித்த தீவிர விவாதம் இணையத்தில் தொடங்கியுள்ளது. தங்கள் குழந்தைகளுக்கு விலங்குகள் மீது அன்பையும் கருணையையும் கற்றுக்கொடுக்க வேண்டியது பெற்றோரின் கடமை என்று பலர் கருத்து தெரிவித்து வருகின்றனர். குழந்தைகள் செய்யும் இதுபோன்ற தவறான செயல்களைப் பெற்றோர் கண்டிக்காமல் வேடிக்கை பார்ப்பது, அவர்களின் வளர்ப்பு முறையிலேயே ஏதோ குறைபாடு இருக்கிறது என்பதையே காட்டுகிறது எனப் பலரும் விமர்சித்து வருகின்றனர்.

மேலும், சிறுவயதிலேயே மற்ற உயிரினங்களை மதிக்கும் பழக்கத்தை வளர்க்காவிட்டால், அவர்கள் எதிர்காலத்தில் வன்முறை எண்ணம் கொண்டவர்களாக மாறக்கூடும் என்று சமூக ஆர்வலர்கள் எச்சரிக்கின்றனர். விலங்குகளுக்கு எதிரான கொடுமைகளைத் தடுக்க சட்டங்கள் கடுமையாக்கப்பட வேண்டும் என்பதோடு, குழந்தைகளிடம் இரக்க உணர்வை வளர்ப்பதில் பள்ளி மற்றும் குடும்பத்தின் பங்கு மிக முக்கியம் என்றும் இந்தச் சம்பவம் மீண்டும் உணர்த்தியுள்ளது.