மனதை உலுக்கும் அதிர்ச்சி..! காளான் சாக்லேட் சாப்பிட்டு சில நொடிகளில்… ‘ஸோம்பிகளாக’ மாறிய 13 சிறுவர்கள்… அதிரவைக்கும் பின்னணி..!!

அமெரிக்காவின் நியூ ஜெர்சி மாகாணத்தில் உள்ள ஒரு கோடைக்கால முகாமில் போதைக்காளான் கலந்த சாக்லேட்டுகளை சாப்பிட்ட 13 சிறுவர்கள், ‘ஸோம்பி’ எனப்படும் விசித்திரமான மனநிலைக்குச் சென்ற சம்பவம் பெரும் அதிர்ச்சியை ஏற்படுத்தியுள்ளது. இந்த சாக்லேட்டுகளை உட்கொண்ட சிறிது நேரத்திலேயே சிறுவர்கள் அனைவரும் தங்களின் சுயநினைவை இழக்கத் தொடங்கினர். அவர்களின் அசாதாரணமான பேச்சு மற்றும் வினோதமான உடல் அசைவுகளைக் கண்டு அதிர்ச்சியடைந்த முகாம் நிர்வாகிகள், உடனடியாக அவர்களை மீட்டு அருகில் உள்ள மருத்துவமனையில் அனுமதித்தனர்.

மருத்துவமனையில் அனுமதிக்கப்பட்ட சிறுவர்களுக்கு தீவிர சிகிச்சை அளிக்கப்பட்டு வருகிறது. அவர்கள் சாப்பிட்ட சாக்லேட்டுகளில் உள்ள ‘சைலோசைபின்’ எனப்படும் போதைப்பொருள் கலந்த காளான்களே இந்த பாதிப்புக்குக் காரணம் என்று கண்டறியப்பட்டுள்ளது. இந்த நச்சுப்பொருள் மனித மூளையின் செயல்பாட்டைப் பாதித்து, பிரம்மைகள் மற்றும் சுயக்கட்டுப்பாடற்ற விசித்திரமான நடத்தைகளை ஏற்படுத்தும் தன்மை கொண்டது என்பதால், சிறுவர்கள் ஸோம்பிகளைப் போல நடந்துகொண்டதாக மருத்துவர்கள் தெரிவித்துள்ளனர்.

குழந்தைகளின் பாதுகாப்பிற்கு அச்சுறுத்தலை ஏற்படுத்திய இந்த விபரீத சம்பவம் குறித்து உள்ளூர் போலீசாரும், அதிகாரிகளும் தீவிர விசாரணையைத் தொடங்கியுள்ளனர். சிறுவர்களுக்கு தடை செய்யப்பட்ட இந்த போதைக் காளான் சாக்லேட்டுகள் எப்படி கிடைத்தன, யாராவது திட்டமிட்டு இதனை முகாமிற்குள் கொண்டு வந்தார்களா அல்லது குழந்தைகள் தவறுதலாக ஏதேனும் கடைகளில் இருந்து வாங்கினார்களா என்ற கோணங்களில் விசாரணை முடுக்கிவிடப்பட்டுள்ளது.