“அதிகாலை 5 மணி.. பின்புறமாக வந்து பெண்ணை மடக்கித் தாலியைப் பறித்த கொடூரன்… பாய்ந்து வந்த தெரு நாய் கொடுத்த ஷாக்.. பதறவைக்கும் சிசிடிவி காட்சி..!!”

பெங்களூருவில் நள்ளிரவு மற்றும் விடியற்காலை நேரங்களில் தனியாகச் செல்லும் பொதுமக்களுக்கு எதிரான குற்றச் செயல்கள் மீண்டும் அதிகரித்து அதிர்ச்சியை ஏற்படுத்தியுள்ளன. தொட்டபிதாரகல்லு பகுதியில் பால்கடை நடத்தி வரும் விஜயம்மா என்பவர், கடந்த புதன்கிழமை அதிகாலை 5 மணியளவில் கடையை மூடிவிட்டு வீட்டிற்குத் தனியாக நடந்து சென்று கொண்டிருந்தபோது, ஸ்கூட்டரில் வந்த இரு மர்ம நபர்கள் அவரைப் பின்தொடர்ந்து சென்று வழிமறித்துள்ளனர்.

அவர்களில் ஒருவன் விஜயம்மாவைத் தாக்கி வலுக்கட்டாயமாகத் தரையில் தள்ளி, அவர் அணிந்திருந்த 25 கிராம் தங்கத் தாலிச் சங்கிலியைப் பறிக்க முயன்றுள்ளான். விஜயம்மா கூச்சலிட்டுப் போராடியபோது, அவரது அலறல் சத்தம் கேட்டு ஓடிவந்த ஒரு தெருநாய் தன் உயிரையும் பொருட்படுத்தாமல் கொள்ளையனைத் தாக்க முயன்றது. எனினும், அந்த நபரால் தங்கச் சங்கிலியைப் பறித்துக்கொண்டு மின்னல் வேகத்தில் அங்கிருந்து தப்பியோட முடிந்தது.

இந்த முழுச் சம்பவமும் அப்பகுதியில் உள்ள சிசிடிவி கேமராவில் பதிவாகி, சமூக வலைதளங்களில் வெளியாகிப் பெரும் அதிர்ச்சியை ஏற்படுத்தியுள்ளது. பாதிக்கப்பட்ட விஜயம்மா அளித்த புகாரின் அடிப்படையில் வழக்குப் பதிவு செய்துள்ள காவல்துறையினர், சிசிடிவி காட்சிகளின் உதவியுடன் குற்றவாளிகளையும் அந்த ஸ்கூட்டரையும் தீவிரமாகத் தேடி வருகின்றனர்.