அடுத்த நொடி நிச்சயமில்லாத வாழ்க்கை.. திடீரென கேட்டை உடைத்துக்கொண்டு பாய்ந்த கார்… எமனிடமிருந்து செக்யூரிட்டி தப்பிய ‘திக் திக்’ நிமிடங்கள்..!!

பெங்களூருவில் உள்ள ஒரு குடியிருப்பு வளாகத்தில் அதிகாலை சுமார் 1:42 மணியளவில் அதிவேகமாக வந்த வெள்ளை நிறக் கார் ஒன்று, பூட்டப்பட்டிருந்த வாயிலைக் தகர்த்துக்கொண்டு உள்ளே புகுந்து விபத்துக்குள்ளானது. இச்சம்பவம் அங்கு பொருத்தப்பட்டிருந்த சிசிடிவி கேமராவில் பதிவாகியுள்ளது. நுழைவாயிலில் பணியில் இருந்த பாதுகாப்பு ஊழியர் காரின் அதிவேகத்தைக் கண்டு நொடிப் பொழுதில் சாதுரியமாக விலகியதால் நூலிழையில் உயிர் தப்பினார்.

அந்தக் கார் கேட்டை பலமாக மோதிய வேகத்தில், அதன் கதவுத் துண்டுகள் தூக்கி எறியப்பட்டன. மோதலின் தாக்கத்தால் நிலைகுலைந்த பாதுகாப்பு ஊழியர் தரையில் தூக்கி வீசப்பட்டார். சில வினாடிகளுக்குப் பிறகு அவர் மீண்டும் எழுந்து நின்றார்; அவருக்கு பெரிய அளவில் காயங்கள் எதுவும் ஏற்படவில்லை. சத்தம் கேட்டு அங்கிருந்தவர்கள் உடனடியாக உதவிக்கு ஓடிவந்தனர். பாதுகாப்பு ஊழியரின் அதிவேகச் சுதாரிப்பு மட்டுமே அவரைப் பெரிய அசம்பாவிதத்திலிருந்து காப்பாற்றியது. இந்தத் துடிப்பான காட்சிகளின் வீடியோ தற்போது சமூக வலைதளங்களில் வைரலாகி வருகிறது.

https://www.instagram.com/reel/Db45524T5V5/?utm_source=ig_web_button_share_sheet

இச்சம்பவம் தொடர்பாகக் காவல்துறையினர் சிசிடிவி காட்சிகளை ஆய்வு செய்து, அது எந்தப் பகுதியில் உள்ள குடியிருப்பு வளாகம், காரின் எண் மற்றும் ஓட்டுநர் யார் என்பது குறித்த விவரங்களைச் சேகரித்து வருகின்றனர். ஓட்டுநர் கட்டுப்பாட்டை இழந்து விபத்தை ஏற்படுத்தினாரா அல்லது வேறு காரணமா என்பது குறித்து தொடர்ந்து விசாரணை நடைபெற்று வருகிறது. அத்துடன், இரவு நேரங்களில் குடியிருப்புகளில் பணியாற்றும் பாதுகாப்புப் பணியாளர்களின் பாதுகாப்பு குறித்து இந்தச் சம்பவம் மீண்டும் கேள்விகளை எழுப்பியுள்ளது.