வணிக வளாகத்தில் மோதல்… சாலையில் பலியான மருத்துவ மாணவி..!ஆந்திராவை உலுக்கிய கோரச் சம்பவம்..! பின்னணி என்ன..?!

ஆந்திரப் பிரதேசத்தின் ராஜமுந்திரியில் உள்ள ஏ.வி. அப்பா ராவ் சாலையில் அமைந்துள்ள வணிக வளாகத்திற்கு வெளியே, தனியார் மருத்துவக் கல்லூரியில் பயிலும் 28 வயதான பிரியங்கா என்ற மருத்துவ மாணவி மீது கார் மோதியதில் அவர் மூளைச்சாவு அடைந்துள்ளார். மாலில் பாதுகாப்பு ஊழியர்களுடன் வாக்குவாதத்தில் ஈடுபட்ட குடிபோதையில் இருந்த இரண்டு இளைஞர்கள், ஆத்திரத்தில் காரில் புறப்பட்ட போது சாலையில் இருந்த பிரியங்கா மீது மோதியுள்ளனர். இதில் தலையில் பலத்த காயமடைந்த அவர் மருத்துவமனையில் அனுமதிக்கப்பட்ட நிலையில், சிகிச்சை பலனின்றி மூளைச்சாவு அடைந்ததாக அறிவிக்கப்பட்டார்.

இச்சம்பவம் மாணவர்கள் மற்றும் மருத்துவ சமூகத்தினரிடையே பெரும் கொந்தளிப்பை ஏற்படுத்தியுள்ளது. இச்சூழலுக்குக் காரணமானவர்கள் மீது கடுமையான நடவடிக்கை எடுக்க வேண்டும் என்றும், இது குறித்து முழுமையான விசாரணை நடத்த வேண்டும் என்றும் சக மருத்துவ மாணவர்கள் கோரிக்கை விடுத்துள்ளனர். https://x.com/jsuryareddy/status/2085358308253196726?ref_src=twsrc%5Etfw%7Ctwcamp%5Etweetembed%7Ctwterm%5E2085358308253196726%7Ctwgr%5Ea16815fd1553a36425004a3e97f19abf48c2558c%7Ctwcon%5Es1_&ref_url=https%3A%2F%2Fwww.freepressjournal.in%2Findia%2Fandhra-pradesh-medical-student-declared-brain-dead-after-car-runs-over-her-outside-rajahmundry-mall

இச்சம்பவம் தொடர்பாகப் போலீசார் பாரதிய நியாய சம்ஹிதாவின் (BNS) கீழ் வழக்குப் பதிவு செய்து, வாகனத்தை ஓட்டி வந்த சூரவரபு யஸ்வந்த் உட்பட இரண்டு பேரைக் கைது செய்துள்ளனர். மேலும், இச்சம்பவம் குறித்து மேலதிக விசாரணையை மேற்கொண்டு வரும் காவல்துறையினர், அதன் முடிவுகளின் அடிப்படையில் கூடுதல் குற்றச்சாட்டுகள் சுமத்தப்படும் என்று தெரிவித்துள்ளனர்.