இனி இரட்டை இலை செட் ஆகாது.. திமுக பக்கம் தாவும் அதிமுகவின் அசைக்க முடியாத ‘முன்னாள்’ அமைச்சர்… அதிர்ச்சியில் ஆடிப்போன எடப்பாடி..!!

விருதுநகர் மாவட்ட அதிமுக அரசியலில் முக்கியப் புள்ளியாக விளங்கிய முன்னாள் அமைச்சர் கே.டி.ராஜேந்திர பாலாஜி, தற்போதைய அரசியல் சூழ்நிலைகளின் காரணமாக திமுக பக்கம் மாறுவதற்கு காய்நகர்த்தி வருவதாக அரசியல் வட்டாரங்களில் பலத்த விவாதங்கள் எழுந்துள்ளன.

கடந்த 2016 ஆம் ஆண்டு நடைபெற்ற சட்டமன்றத் தேர்தலில் விருதுநகர் மாவட்டத்தில் உள்ள 7 தொகுதிகளையும் அதிமுகவிற்குப் பெற்றுத் தந்து, கட்சியின் அசைக்க முடியாத சக்தியாகவும் ஜெயலலிதா அமைச்சரவையில் முக்கிய அமைச்சராகவும் வலம் வந்தவர் ராஜேந்திர பாலாஜி. இருப்பினும், கடந்த 2021 மற்றும் சமீபத்திய 2026 சட்டமன்றத் தேர்தல்களில் தொடர் தோல்விகளைச் சந்தித்ததால், இரட்டை இலைச் சின்னத்துடன் இனி அரசியல் பயணத்தைத் தொடர்வது தனக்குச் சரிவராது என்ற முடிவுக்கு அவர் வந்துள்ளதாகக் கூறப்படுகிறது. மேலும், கடந்த காலங்களில் அவர் சந்தித்த சில வழக்கு விவகாரங்களில் அதிமுக தலைமை தனக்கு முழுமையாகத் துணை நிற்கவில்லை என்ற ஆதங்கமும் அவருக்குள் நீண்ட நாட்களாக இருந்து வருகிறது.

விருதுநகர் மாவட்டத்தில் திமுகவின் அசைக்க முடியாத தூணாக விளங்குபவர் அமைச்சர் கே.கே.எஸ்.எஸ்.ஆர். ராமச்சந்திரன் ஆவார். மிக மூத்த தலைவரான அவருக்குப் பிறகு, மாவட்டத்தில் கட்சியைத் தீவிரமாக வழிநடத்திச் செல்லக்கூடிய ஒரு வலுவான மாற்றுத் தலைமை திமுகவில் தற்போதைக்குக் குறைவாகவே பார்க்கப்படுகிறது. இந்த அரசியல் வெற்றிடத்தை நிரப்பவும், மாவட்ட அளவில் தங்களுக்குச் சாதகமான செல்வாக்கை நிலைநிறுத்தவும், துடிப்பான மற்றும் ஆக்ரோஷமான அரசியல் பின்னணி கொண்ட ராஜேந்திர பாலாஜியைத் தங்கள் பக்கம் இழுக்க திமுக தரப்பும் மிகுந்த ஆர்வம் காட்டி வருவதாக அரசியல் விமர்சகர்கள் குறிப்பிடுகின்றனர்.