“எனக்கு இப்படி மனைவி தான் வேண்டும்.. இல்லைனா ஓரம் போ..!” ஜேசன் சஞ்சய் போட்ட மெகா கண்டிஷன்.. ஆடிப்போன பெண் ரசிகைகள்!!

பிரபல நடிகர் விஜய் மற்றும் சங்கீதாவின் மூத்த மகனும், தமிழ் சினிமாவில் இயக்குநராக அறிமுகமாக உள்ளவருமான ஜேசன் சஞ்சய், தனது வருங்கால மனைவிக்குத் தான் எதிர்பார்க்கும் தகுதிகள் குறித்து அண்மைப் பேட்டி ஒன்றில் சுவாரசியமாகப் பகிர்ந்துள்ளார். தனக்கு இதுவரை காதலி யாரும் கிடையாது என்று ஓப்பனாகத் தெரிவித்த அவர், தனக்கு வரப்போகும் மனைவி கண்டிப்பாகத் சுயசார்பு கொண்டவராக இருக்க வேண்டும் என்று விரும்புவதாகக் குறிப்பிட்டுள்ளார். மேலும், புதிய இடங்களுக்குப் பயணம் செய்யும் ஆர்வம் கொண்ட, சாகசக் குணம் நிறைந்த பெண்களையே தனக்குப் பிடிக்கும் என்றும், தனது இந்த விசித்திரமான ரசனைக்கு ஏற்றவாறு பெண் அமைய வேண்டும் என்றும் அவர் ஆசை தெரிவித்துள்ளார்.

இதற்கிடையில், தமிழ் சினிமா மற்றும் இசையின் மீது அதீத ஆர்வம் கொண்டவராகத் தனது வருங்கால மனைவி இருக்க வேண்டும் என்றும் ஜேசன் சஞ்சய் கட்டளையிட்டுள்ளார். தனக்கு வரப்போகும் பெண்ணுக்குத் தமிழ் திரைப்படங்கள் மற்றும் தமிழ் பாடல்கள் அனைத்தும் கண்டிப்பாகப் பிடிக்க வேண்டும் என்று குறிப்பிட்ட அவர், விளையாட்டாகப் பேசும்போது, “அதெல்லாம் எனக்குப் பிடிக்காது, கேட்க மாட்டேன் என்று சொன்னால் ‘ஓரம் போ’ என்று சொல்லி அனுப்பிடுவேன்” எனத் தனது துள்ளலான பாணியில் தெரிவித்துள்ளார். மிகக் குறுகிய காலத்திலேயே சமூக வலைத்தளங்களில் தனக்கெனப் பல இளம் பெண் ரசிகைகளைப் பெற்றுள்ள ஜேசன் சஞ்சய்யின் இந்த சுவாரசியமான நேர்காணல், தற்போது இணையத்தில் காட்டுத்தீயாய் பரவி லைக்குகளைக் குவித்து வருகிறது.