“அட கொடுமையே.. ஆழமான பள்ளத்தாக்கில் தவறி விழுந்த இளம் பெண்.. செல்பி மோகத்தால் நேர்ந்த கொடூரம்.. அடுத்து நடந்தது என்ன..? பரபரப்பு பின்னணி..!!

உத்தரகாண்ட் மாநிலம் ரிஷிகேஷில் உள்ள புகழ்பெற்ற நீலகண்ட் – லட்சுமண் ஜூலா வழித்தடத்தில், செல்பி எடுக்க முயன்ற இளம் பெண் ஒருவர் எதிர்பாராதவிதமாகக் கால் தவறி ஆழமான பள்ளத்தாக்கில் விழுந்த பதைபதைக்க வைக்கும் விபத்து நிகழ்ந்துள்ளது. இயற்கை எழில் கொஞ்சும் அந்தப் பாதையில் பயணித்துக் கொண்டிருந்தபோது, அழகான பின்னணியுடன் புகைப்படம் எடுக்க வேண்டும் என்ற ஆசையில் அந்தப் பெண் மலையின் விளிம்பிற்கு அருகில் சென்றுள்ளார். அப்போது அவரது கட்டுப்பாட்டை இழந்து, கண்ணிமைக்கும் நேரத்தில் நூற்றுக்கணக்கான அடிகள் ஆழம் கொண்ட ஒரு பள்ளத்தாக்கிற்குள் சரிந்து விழுந்துள்ளார்.

இச்சம்பவம் குறித்து அந்த வழியாகச் சென்றவர்கள் உடனடியாக லட்சுமண் ஜூலா காவல் துறையினருக்குத் தகவல் கொடுத்தனர். தகவல் அறிந்ததும் விரைந்து வந்த போலீசார், மாநில பேரிடர் மீட்புப் படையினருடன் இணைந்து கூட்டு மீட்புப் பணியைத் தொடங்கினர். மிகவும் சவாலான அந்தப் பள்ளத்தாக்குப் பகுதியில் கயிறுகள் மற்றும் சிறப்பு உபகரணங்களின் உதவியுடன் பத்திரமாக இறங்கிய மீட்புக் குழுவினர், தீவிர தேடுதலுக்குப் பின் அந்த இளம் பெண்ணை உயிருடன் மீட்டனர். அதிர்ஷ்டவசமாகப் பெரும் ஆபத்துகளின்றி மீட்கப்பட்ட அந்தப் பெண், சிகிச்சைக்காக அருகில் உள்ள மருத்துவமனைக்குக் கொண்டு செல்லப்பட்டார். இந்தத் துரிதமான மீட்பு நடவடிக்கைக்காகப் போலீசாருக்கும் எஸ்டிஆர்எஃப் வீரர்களுக்கும் சமூக வலைத்தளங்களில் பாராட்டுகள் குவிந்து வருகின்றன.