அடச்சீ..! 60 வயசுல இதெல்லாம் ஒரு பொழப்பா…? ஒரே பொண்ணுக்காக நள்ளிரவுல நடந்த கொடூரம்… பின்னணியில இப்படி ஒரு கதையா..?!

உத்தரப் பிரதேச மாநிலம் கன்னோஜ் மாவட்டம், திர்வா காவல் எல்லைக்குட்பட்ட பஹ்ரீன் கிராமத்தில் 60 வயதான பிரவேஷ் துபே என்பவர் கொடூரமாகக் கொலை செய்யப்பட்ட வழக்கில், காவல்துறை 24 மணி நேரத்திற்குள் குற்றவாளியைக் கைது செய்து வழக்கை முடிவுக்குக் கொண்டுவந்துள்ளது. கிராமத்தில் உள்ள தனது கால்நடை கொட்டகையில் தூங்கிக் கொண்டிருந்த பிரவேஷ் துபேயின் கழுத்தில் மர்ம நபர் கோடாரியால் பலமாகத் தாக்கியதில் அவர் சம்பவ இடத்திலேயே உயிரிழந்தார். இச்சம்பவம் குறித்துத் தகவல் அறிந்த காவல்துறையினர் உடனடியாக சம்பவ இடத்திற்கு விரைந்து வந்து, மோப்ப நாய் ‘ஜாக்கி’ உதவியுடன் தடயங்களைச் சேகரித்தனர். மோப்ப நாய் சம்பவ இடத்திலிருந்து நேரடியாக அதே கிராமத்தைச் சேர்ந்த 60 வயதான பிரிஜ்மோகன் என்பவரின் வீட்டிற்குச் சென்றதை அடுத்து, அவரைப் பிடித்துக் காவல்துறையினர் விசாரணை நடத்தினர்.

காவல்துறையின் விசாரணையில் கொலைக்கான காரணம் குறித்துப் அதிர்ச்சித் தகவல்கள் வெளியாகின. மனைவி இறந்த பிறகு, பிரிஜ்மோகனுக்குக் கிராமத்தைச் சேர்ந்த ஒரு பெண்ணுடன் தொடர்பு இருந்துள்ளது. இதனிடையே, கொல்லப்பட்ட பிரவேஷ் துபேவும் அதே பெண்ணுடன் தொடர்பில் இருப்பதாகப் பிரிஜ்மோகனுக்குச் சந்தேகம் ஏற்பட்டது. ஒருமுறை அப்பெண்ணுடன் பிரவேஷ் துபே வயல்வெளியில் பேசிக் கொண்டிருந்ததை நேரில் பார்த்த பிரிஜ்மோகன், அவர் மீது கடுமையான கோபமும் சந்தேகமும் அடைந்துள்ளார். இந்தச் சந்தேகமும் தனிப்பட்ட பகையும்தான் கொலையைத் திட்டம் தீட்டக் காரணமாக இருந்துள்ளது.

தனக்கு ஏற்பட்ட சந்தேகத்தின் காரணமாக, பிரவேஷ் துபே கொட்டகையில் தூங்கிக் கொண்டிருந்த நள்ளிரவு நேரத்தைப் பயன்படுத்தி, பிரிஜ்மோகன் கோடாரியால் அவர் மீது தாக்குதல் நடத்திவிட்டுத் தப்பிச் சென்றுள்ளார். விசாரணையில் பிரிஜ்மோகன் தனது குற்றத்தை ஒப்புக் கொண்டதைத் தொடர்ந்து, அவர் அளித்த தகவலின் அடிப்படையில் கொலையுறுதியான கோடாரியைக் காவல்துறையினர் பறிமுதல் செய்தனர். இச்சம்பவத்தின் தகவல்களை உறுதிப்படுத்திய காவல் கண்காணிப்பாளர் வினோத் குமார், கைதான பிரிஜ்மோகன் மீது சட்டப்பூர்வ நடவடிக்கைகள் எடுக்கப்பட்டு அவர் நீதிமன்றக் காவலுக்கு அனுப்பப்பட்டுள்ளதாகத் தெரிவித்தார்.