“அப்பா என்னை காப்பாத்துங்க” ரூ.2 லட்சம் பணம் கேட்குறாங்க… ஆன்லைன் கேம் வெறியால் தந்தைக்கே அதிர்ச்சி கொடுத்த பத்தாம் வகுப்பு மாணவன்… அடுத்து நடந்த டுவிஸ்ட்..!!

பாட்னாவில், ஆன்லைன் விளையாட்டில் பணத்தை இழந்து நண்பர்களிடம் வாங்கிய கடனை அடைக்க முடியாத நெருக்கடியில் சிக்கிய பத்தாம் வகுப்பு மாணவன் ஒருவன், தன் மீதான கடன் சுமையிலிருந்து தப்பிக்கத் தானே தனது சொந்தக் கடத்தல் நாடகத்தை அரங்கேற்றியுள்ள சம்பவம் பெரும் அதிர்ச்சியை ஏற்படுத்தியுள்ளது.

பாட்னாவில் படித்து வரும் அந்த மாணவன், நண்பர்களிடம் கடன் வாங்கி ஆன்லைன் கேம் விளையாடியதில் சுமார் 1.45 லட்ச ரூபாய் வரை பணத்தை இழந்துள்ளான். கொடுத்த பணத்தை உடனடியாகத் திருப்பிக் கொடுக்குமாறு நண்பர்கள் அழுத்தம் கொடுக்கவே, பயந்துபோன அந்த மாணவன் தன் பெற்றோரிடம் பணம் கறப்பதற்காகத் தப்பியோடி முசாபர்பூர் செல்லும் பேருந்தில் ஏறினான். வழியில் தன் தந்தைக்கு போன் செய்து, மர்ம நபர்கள் தன்னை ஸ்கார்பியோ காரில் கடத்திச் சென்றுவிட்டதாகவும், தன்னை விடுவிக்க 2 லட்சம் ரூபாய் கேட்பதாகவும் கூறி கண்ணீருடன் நாடகமாடியுள்ளான்.

மகனின் கடத்தல் செய்தியைக் கேட்டுப் பதறிப்போன தந்தை, தனது மகனை எப்படியாவது காப்பாற்ற வேண்டும் என்ற தவிப்பில் கடத்தல்காரர்கள் கூறிய வங்கிக் கணக்கிற்கு 75 ஆயிரம் ரூபாயை அனுப்பிவிட்டு உடனடியாக காவல்துறையினருக்கும் புகார் அளித்தார். இதனையடுத்து விசாரணையைத் தீவிரப்படுத்திய காவல்துறையினர், தொழில்நுட்ப உதவியுடன் முசாபர்பூர் சরাই டோல் பிளாசா அருகே பேருந்தில் சென்றுகொண்டிருந்த அந்த மாணவனை பத்திரமாக மீட்டனர். விசாரணையில் அது கடத்தல் அல்ல என்பதும், ஆன்லைன் கேம் மோகத்தால் மாணவனே ஜோடித்த நாடகம் என்பதும் அம்பலமானது.