KGF பிரசாந்த் நீல் கதையில் அஜித்தா…!ஏகே-64 அப்டேட்…!30 லட்ச ரூபாய் கார் கிஃப்ட்…!அஜித்தை தேடி வந்த 20 வருட கனவு! பிரசாந்த் நீல் சொன்ன ‘அந்த’ ரகசியம்… ஷாக்கில் கோலிவுட்…!

கோலிவுட்டின் அசைக்க முடியாத டாப் நட்சத்திரங்களில் ஒருவரான நடிகர் அஜித்குமார், கடந்த வருடத்தில் ‘விடாமுயற்சி’, ‘குட் பேட் அக்லி’ என இரண்டு திரைப்படங்களில் நடித்து ரசிகர்களுக்கு இரட்டை விருந்து படைத்தார். திரையரங்குகளில் இந்த இரண்டு படங்களும் சுமார் ரக வெற்றியைப் பெற்றாலும், ஒரே வருடத்தில் தங்களது அபிமான நாயகனை இரண்டு வெவ்வேறு பாத்திரங்களில் பார்த்தது ஏகே ரசிகர்களுக்கு பெரும் ஆச்சரியத்தையும் மகிழ்ச்சியையும் தந்தது. தற்போது தனது அடுத்த படத்திற்காக, இயக்குநர் ஆதிக் ரவிச்சந்திரனுடன் கமிட்டாகியிருக்கும் அஜித்தின் அதிகாரப்பூர்வ அறிவிப்பு விரைவில் வெளியாகும் என ஒட்டுமொத்த கோலிவுட்டும் ஆவலோடு எதிர்பார்த்துக் காத்துக் கொண்டிருக்கிறது.

சினிமாவில் அஜித்தின் இந்த திடீர் வேகத்திற்குப் பின்னால் இருக்கும் ஒரே முக்கிய காரணம் அவரது தீராத கார் ரேஸ் கனவுதான். திரைத்துறையின் ஆரம்ப காலத்தில் ரேஸிங்கில் தீவிர ஆர்வம் காட்டிய அஜித், சில விபத்துகள் மற்றும் உடல்நல பாதிப்புகள் காரணமாக தற்காலிகமாக அதிலிருந்து விலகி, முழுமையாக சினிமாவில் கவனம் செலுத்தி தனக்கென ஒரு அசைக்க முடியாத மார்க்கெட்டை உருவாக்கினார். தற்போது சினிமாவில் உச்சத்தில் இருக்கும் அவர், மீண்டும் தனது ரேஸ் கனவை நோக்கிப் பயணிக்கத் தொடங்கியுள்ளார்.

சும்மா பெயருக்காகப் பங்கேற்காமல், பக்கா டீமோடு களமிறங்கி பந்தயங்களில் பல வெற்றிகளையும் குவித்து வருகிறார். அவரது இந்த அசாத்திய ஆர்வத்தைப் பாராட்டும் விதமாக, சமீபத்தில் மஹிந்திரா நிறுவனம் சுமார் 30 லட்சம் ரூபாய் மதிப்புள்ள உலகத்தின் முதல் ஃபார்முலா ஈ தீம் எஸ்யூவி (Mahindra BE6 Formula E) காரை அவருக்குப் பரிசாக வழங்கி கௌரவித்தது.

அஜித் கார் ரேஸில் உலக அளவில் கலக்கி வந்தாலும், அவர் சினிமாவில் முழு மூச்சாக இயங்கி அடுத்தடுத்தப் படங்களில் நடிக்க வேண்டும் என்பதே அவரது ரசிகர்களின் பெரும் ஆசையாக உள்ளது. அடுத்த படத்திற்கான வேலைகள் சற்று மெதுவாக நடப்பதாக ரசிகர்கள் மத்தியில் சிறு வருத்தம் இருந்தாலும், தற்போது கேஜிஎஃப் (KGF) பட இயக்குநர் பிரசாந்த் நீல் அஜித்தைப் பற்றிப் பேசியிருக்கும் ஒரு விஷயம் ஏகே ரசிகர்களிடையே எதிர்பார்ப்பையும் புதிய ஆவலையும் பன்மடங்கு அதிகப்படுத்தியிருக்கிறது. பிரசாந்த் நீலின் இந்த சமீபத்திய பேட்டி இணையத்தில் பயங்கர வைரலாகி வருகிறது.

அஜித்துடனான கூட்டணி குறித்து அந்தப் பேட்டியில் பேசிய இயக்குநர் பிரசாந்த் நீல், “என்னிடம் ஒரு கலர்ஃபுல்லான புராண கதை இருக்கிறது. அதைப் படமாக இயக்குவதற்கு கடந்த இரண்டு தசாப்தங்களாக (20 வருடங்கள்) முயற்சி செய்து வருகிறேன். அந்தப் கதையில் அஜித் நடித்தால் மிகவும் சூப்பராக இருக்கும் என்பது என் விருப்பம். ஏனெனில், தற்போது கோலிவுட்டிலிருந்து பான் இந்தியா படங்கள் பெரிய அளவில் அதிகம் உருவாகவில்லை. ஒருவேளை அஜித்துடன் இந்தத் திட்டம் கைகூடி நடந்தால், அது தமிழ் சினிமாவிலிருந்து வரும் மிக பிரமாண்டமான பான் இந்தியா திரைப்படமாக அமையும்” என்று தெரிவித்துள்ளார். பிரசாந்த் நீலின் இந்த விருப்பம் நிஜமானால், அது இந்திய சினிமாவிலேயே ஒரு மிகப்பெரிய வசூல் வேட்டையாக இருக்கும் என்பதில் சந்தேகமில்லை.