“மனிதாபிமானம் செத்துப்போச்சா..”? நாய் என்று கூட பாராமல் அடுக்குமாடி குடியிருப்பு அசுரர்கள் செய்த வெறிச்செயல்.. நெஞ்சை பதறவைக்கும் கொடுமை..!!

மகாராஷ்டிர மாநிலம் டோம்பிவிலியில் உள்ள சுரேஷ் ஹவுசிங் சொசைட்டி வளாகத்திற்குள், இந்தியத் தெரு நாய் ஒன்றை மட்டையால் அடித்தும், தூக்கிலிட்டும் கொடூரமான முறையில் கொன்ற சம்பவம் நாடு முழுவதும் பெரும் அதிர்ச்சியையும் கண்டனங்களையும் ஏற்படுத்தியுள்ளது. விலங்கு நல ஆர்வலர்கள் அளித்த புகாரின் பேரில், இந்த மனிதாபிமானமற்ற கொடூரச் செயலில் ஈடுபட்ட அந்த அடுக்குமாடி குடியிருப்பின் பாதுகாப்புப் காவலர் பிரசாந்த் மற்றும் அங்கு வசிக்கும் குடியிருப்பாளர்களான ஓம்கார், பிரகாஷ் ஆகிய மூன்று பேர் மீது காவல்துறையினர் வழக்குப் பதிவு செய்துள்ளனர். இந்தச் சம்பவத்தின் கொடூரமான வீடியோ காட்சிகள் சமூக வலைத்தளங்களில் வெளியாகி, பார்ப்பவர்களின் நெஞ்சைப் பதறவைத்துள்ளது.

இந்தியா முழுவதும் உள்ள பல்வேறு அடுக்குமாடி குடியிருப்புகளில் வசிக்கும் சில குடியிருப்பாளர்கள், அங்குள்ள பாதுகாப்புப் காவலர்களைத் தூண்டிவிட்டு, தெரு நாய்களுக்கு எதிராக இத்தகைய அசுரத்தனமான வன்முறைகளில் ஈடுபட வைப்பதாக விலங்கு நல அமைப்புகள் குற்றம் சாட்டுகின்றன. வாயில்லா ஜீவன்களுக்கு எதிராக நாளுக்கு நாள் அதிகரித்து வரும் இத்தகைய மிருகத்தனமான அராஜகங்களைத் தடுக்கவும், தெரு நாய்களைப் பாதுகாக்கவும் கடுமையான சட்ட நடவடிக்கைகள் மற்றும் தண்டனைகள் வழங்கப்பட வேண்டும் என நெட்டிசன்கள் மற்றும் சமூக ஆர்வலர்கள் கோரிக்கை விடுத்து வருகின்றனர்.