“நான் எங்கு போனாலும் வருது…” 25 கி.மீ தாண்டிப் போயும் துரத்திக் கடித்த கருநாகம்.. 20 நாளில் 6 முறை மாட்டிய வாலிபரின் நடுக்கமூட்டும் சம்பவம்..!!

உத்தரப் பிரதேச மாநிலம் எட்டாவா மாவட்டத்தின் ஜஸ்வந்த்நகர் காவல் எல்லைக்குட்பட்ட நக்லா பகத் கிராமத்தைச் சேர்ந்த 21 வயது இளைஞரான அங்குஷ் யாதவ் கடந்த 20 நாட்களாக ஒரு விசித்திரமான அச்சத்தில் வாழ்ந்து வருகிறார். அவர் செல்லும் இடமெல்லாம் ஒரு பெரிய கருநாகம் பின்தொடர்ந்து வந்து கடிப்பதாக அவர் கூறுகிறார். இந்த 20 நாட்களில் மட்டும் அந்தப் பாம்பு ஆறு முறை அவரை கடித்திருப்பதாக அதிர்ச்சி தகவலை அவர் பகிர்ந்துள்ளார். அண்மையில் திங்கட்கிழமை மாலை 6 ஆவது முறையாக கடித்த போது, காலில் நடுக்கம் மற்றும் மயக்கத்துடன் மாவட்ட அரசு மருத்துவமனையில் அனுமதிக்கப்பட்டார். முன்னதாக, 25 கி.மீ தொலைவில் உள்ள அவரது அத்தையின் வீட்டிற்குச் சென்றிருந்த போதும் அந்தப் பாம்பு அங்கும் வந்து கடித்ததால், அவர் சாய்ஃபா மருத்துவக் கல்லூரியில் அனுமதிக்கப்பட்டு பாம்பு முறிவு மருந்து செலுத்தப்பட்டது.

தொடர்ந்து இரண்டு நாட்களில் இரண்டு முறை மருத்துவமனைக்குச் சென்று திரும்பியுள்ள அங்குஷின் இந்த விசித்திர நிலை குறித்து மருத்துவர்கள் ஆச்சரியமடைந்துள்ளனர். இதுகுறித்து சிறப்பு மருத்துவரான டாக்டர் ஆஷிஷ் திரிபாதி கூறுகையில், ஒவ்வொரு முறையும் அவரை உண்மையான பாம்புதான் கடித்திருக்க வேண்டும் என்ற அவசியம் இல்லை, இது ஒருவகை பாம்பு பயம் ஆக இருக்கலாம் என்று தெரிவித்துள்ளார். உடலின் ஏதேனும் ஒரு பகுதியில் ஏற்படும் காயம், அரிப்பு அல்லது உணர்வை மூளையானது பாம்பு கடித்ததாக தவறாகப் புரிந்துகொண்டிருக்கலாம் என்று அவர்கள் கருதுகின்றனர். இருப்பினும், மந்திரவாதிகளிடம் அழைத்துச் சென்றும் தீர்வு கிடைக்காததால், எங்குச் சென்றாலும் பாம்பு துரத்துகிறது என்ற கடுமையான உயிர் பயத்தில் அங்குஷும் அவரது குடும்பத்தினரும் உறைந்து போயுள்ளனர்.