“நீங்க தான் உலகின் மிகப்பெரிய பணக்காரர்” 80 வயது தந்தையின் அந்த ஆசையை நிறைவேற்றிய மகன்.. முதன்முறையாக கடலை பார்த்ததால் கண்களில் கண்ணீர்.. பாராட்டித்தள்ளும் இணையவாசிகள்…!!

நம்மில் பலர் தங்களது 20 அல்லது 25 வயதிலேயே கடலின் அழகைக் கண்டு ரசித்திருப்போம். ஆனால், ஒடிசாவைச் சேர்ந்த 80 வயது முதியவர் ஒருவருக்குத் தனது வாழ்நாளில் ஒருமுறைகூடக் கடலைப் பார்க்கும் வாய்ப்பு கிடைக்கவில்லை. குடும்பப் பொறுப்புகள் மற்றும் வாழ்வாதாரப் போராட்டங்களுக்கு இடையே மறைந்துபோன அவரது இந்த நீண்ட நாள் ஆசையை, அவரது மகன் ஸ்ரீகாந்த் உணர்ந்து நெகிழ்ச்சியுடன் நிறைவேற்றியுள்ளார். தனது தந்தையை ஒடிசாவின் கோனார்க்கில் உள்ள ‘சந்திரபாகா’ கடற்கரைக்கு அவர் முதன்முறையாக அழைத்துச் சென்றுள்ளார்.

முதன்முதலில் பிரம்மாண்டமான கடலையும் அதன் பேரலைகளையும் நேரில் கண்ட அந்த முதியவர், மிகுந்த பக்தியுடனும் மரியாதையுடனும் கைகளைக் கூப்பி இயற்கையை வணங்கினார். கடலின் குளிர்ந்த நீர் முதன்முறையாக அவரது பாதங்களைத் தொட்டபோது, அவர் ஒரு குழந்தையைப் போலத் துள்ளிக் குதித்து மனமாறச் சிரித்தார். மேலும், குனிந்து அந்தக் கடல்நீரைத் தொட்டுத் தனது நெற்றியில் திலகமாக இட்டுக் கொண்டார். “என் வாழ்வில் இவ்வளவு பெரிய மற்றும் அற்புதமான அதிசயத்தைக் காண்பேன் என்று கனவிலும் நினைக்கவில்லை” என்று அவர் தனது மகனிடம் ஆனந்தக் கண்ணீருடன் கூறியுள்ளார்.

https://www.instagram.com/reel/DbiHmeaM6k4/?utm_source=ig_web_button_share_sheet

இந்த உணர்ச்சிப்பூர்வமான தருணத்தை @bhukkhad_musafir என்ற இன்ஸ்டாகிராம் பக்கத்தில் வீடியோவாக அவரது மகன் பகிர்ந்துள்ளார். “80 வயதில் முதன்முறையாகக் கடல்; முகத்தில் புன்னகை, கண்களில் குழந்தைத்தனம்! சில மகிழ்ச்சிகளுக்கு வயது தேவையில்லை” என்று அவர் பதிவிட்டுள்ளார். வெளியான சில மணிநேரங்களிலேயே லட்சக்கணக்கான பார்வைகளையும் லைக்குகளையும் பெற்று இந்த வீடியோ இணையத்தில் வைரலாகி வருகிறது. “இன்று உங்களைப் பார்த்து அந்தக் கடலே மகிழ்ச்சி அடைந்திருக்கும்” என்றும், தந்தையின் ஆசையை நிறைவேற்றிய மகனைப் பார்த்து “நீங்கள்தான் உலகின் மிகப்பெரிய பணக்காரர்” என்றும் நெட்டிசன்கள் நெகிழ்ச்சியுடன் கமெண்ட் செய்து வருகின்றனர்.